Niedersächsisches Landesarchiv - Staatsarchiv Wolfenbüttel: 37 Alt 204, H.1 67-68
MDCLIII / Iacobus Tappius Medicinae Doctor post ferias paschales XV Aprilis Lectionem publicam vernalem instituit / Sequente septimana ob negotia ad parandas Filiae nuptias maxime necessaria Guelpherbytum iter fecit / Quatuor tum neglectae lectiones privatis disputationibus gratis habitis compensabit / Diebus XXV et XXVI April in methodo medendi perrexit / XXVIII publice exhibita et explicata sunt simplicia Theriacae et XXIX Mithridatii ingredientia / Sequente hebdomada, ob celebratas filiae [v] nuptias lectionibus vacare non potuit / XI Maii privatim disputavit de causis symptomatum sensuum externorum / XII rediit ad publicas lectiones easque continuavit usque ad festum Pentecostes / VIII, IX [et] X. Iunii in iisdem progressus est lectionibus / XI privatam habuit disputationem de Visus symptomatibus / XIII paravit se ad sequentis diei actum solennem in quo Valentino Henrico Voglero Medicinae Professori publico gradum Doctoris contulit / XVII Iunii Mixtioni et compositioni Theriacae una cum Medicinae studiosis interfuit / [68r] / XX Iunii iterum disputavit de morbis Auditus / Proximis diebus celebrata est festivitas Doctoralis nuptialisque Domini Ioachimi Hildebrandi Sanctae Theologiae Professoris publice / XXVII Iunii species, ut vocantur, Mithridatii ingredientes fuerunt commixtae inspicientibus et componendi modum discentibus Medicinae studiosis / XXVIII et XXX in curativa Methodo progressus est usque ad indicationes a sexus et aetatis diversitate sumendas / Praeterea publice disputavit de Vertigine.