| Titel |
Christ. Mündenivs D. in recitationibus publicis aestiuo semestri hermeneuticam sacram ex b. Abb. Schmidii compendio theologiae exegeticae tradidit; instante vero semestri theologiam, quam casuisticam dicunt, ex Superiorum voluntate exponet, singulis diebus Sabbati labores cuiusuis hebdomadis repetitione practica et pia paraenesi ea qua coepit, ratione obsignaturus. Praeterea, desiderio eorum, qui sacras literas et rite scrutari, et solide atque perspicue aliis exponere cupiunt, vt pro virili respondeat, non solum in historia euangelia secundum harmoniam IV. euangelistarum, ex ipso textu originali illustranda inque cel. Bvddei compendio institutionum theologiae dogmaticae explanando progredietur, et diebus Mercurii ac Sabbati collegium disputatorium et concionatorium continuabit: sed etiam pericopas epistolicas secundum artis hermeneuticae et homileticae regulas pertractabit. Docet publice hora pom. II. |