| Titel |
[...] Privatim vero post enarratas hactenus integro biennio plerasque principales Imperij Germanici familias, ipsius nunc Imperij nostri historiam, a tempore Caroli M. secundum quatuor ita dicta causarum genera, ac ratione singulorum praecipuas ejus mutationes proponet, & junctis simul brevissime, ac quantum ad res Germanicas, earumque causas docendas sufficit, externis rebus potissimis, primo quidem usque ad interregnum illud diuturnum, seu Rudolphi Habspurgensis initium deducet. Posteriorum vero seculorum, usque ad praesens tempus enarrationem, qua, maxime ob totius fere Europae statum subinde simul indicandum, haud paullo erit fusior, sequenti tempore, si Deus volet, adtexere constituit. |