| Titel |
Henricvs Hahn D. Codicis Professor, postquam absolvit materiam de probationibus, testibus, fide instrumentorum & contractibus simulatis, sic saatis refertam quaestionibus facti, quae juxta Rhetores, spectant ad Constitutionem Conjecturalem, deinceps exponet leges celebriores, quae suppeditare poterunt exempla quaestionum juris, adeoque Status Finitivi & Juridicialis dici merentur: primo quidem interpretatione Codici propria Forensi, deinde, si rei difficultas exigit, etiam Scholastica seu doctrinali. Selegit eo nomine textus ex Codice de Usuris, Nautico foenere, de Sponsalibus & Nuptiis, cum omnibus titulis eo spectantibus. Discursus, quos habuit de Statibus legum & causarum judicialium, juxta Hermagorae in primis vetustissimi & JCti & Rhetoris doctrinam, utpote explicationi legum Codicis & cognoscendo usui Rhetorices in re controversa plurimum inservientem, in publicum edet, & de insignioribus Juris materijs disputationes instituet. Docet hora IX. |