| Text |
Anno MDCLIX [nachträglich von anderer Hand auf den Dokumentenkopf geschrieben] / ViceRectoratum Academiae resignavi Vto Iulii, et cum proximos dies partum disputatio medica inauguralis, partim nundinae oppidi occupassent, XIVto mensis huius die ad publicas operas reversus, librum secundum Rhetoricorum eo ordine ac modo quo editum in hanc rem programma [nachträglich von anderer Hand eingefügt] declarat, coepi publice examinare, et citra interruptionem ad finem mensis hasce disquisitiones continuavi, a primo ad vigesimum primum caput progressus / Kalendis Augusti XXIIdum et XXIIItium capita libri secundi Rhetoricorum / postridie vero tria reliqua eiusdem libri capita in publico auditorio more instituto examinavi, et librum secundum absolvi / IVtum Augusti disputatio medica inauguralis a praelectionibus publicis reddebat feriatum. Postridie quinto videlicet mensis huius die tertii libri Rhetoricorum Aristotelis publicas disquisitiones coepi easdemque decimo nono die absolvi, cum intermedio tempore, iter necessarium diem unum, disputatio Iuridica inauguralis diem alterum exemisset / Aristotelis Rhetoricorum tribus libris quos Martio coeperam, hoc / [v] / sextili mense ita finitis vacationis tempus, quod iusto opera absoluto ad dies aliquot indulgetur, impendi visitationi scholarum Dannenbergicarum / Kalendis Septembris coepi quartam Philippicam Ciceronis publice interpretari, eiusdemque artificium ex Aristotelis maxime Rhetorica commonstrare / Et inventionis quidem artificium XXVII mensis huius die absolvi, cum intermedio tempore partim nuptiae quibus mandato et vice Serenissi Principis interesse iubebar, partim scholarum quarundam classicarum visitatio duas hebdomadas exemisset / Ultimo die Septembris eiusdem quartae Philippicae artificium elocutionis ostendere incepi / Christophorus Schrader manu propria |