| Text |
Anno MDCLIX / Octobris mensis primis diebus artificium elocutionis quartae Philippicae Ciceronis ostendere, et ad calamum dictare perrexi / Inde solennia promotionis in Facultate Iuridica, visitatio aliquot Scholarum municipalium nuptiae vicini et inevitabiles occupationes aliae, me ad vicesimum septimum mensis huius diem [nachträglich mit anderer Hand eingefügt] distulerunt, quo Septimae Philippicae publicam interpretationem coepi et ad finem mensis continuavi / Novembri septimam Philippicam exponere sum progressus, a Calendis ad duodevigesimum diem / Cum intermedio tempore Conventus Facultatis diem unum, disputatio medica inauguralis diem alterum nundinae oppidanae biduum exemissent / Extremam mensis hebdomadam, necessaria in agrum Magdeburgicum profectio occupavit / Decembris initio anatome corporis humani auditores avocavit, ut octavo demum die ad septimae Philippicae expositionem redire potuerim, quam citra cessationem continuavi et decimo septimo die absolvi / Eodem hoc trimestri Hebraicas literas privatim docui, et cum a primis elementis coepissem, praeceptiones Grammaticas ac Psalmi XXXVVti expositionem ferme ad finem perduxi / Christophorus Schrader manu propria |