| Text |
Anno MDCCX Mensibus Aprili, Maio, Iunio / Mensis Aprilis / diebus 1,3,4 [et] 7 In publicis praelectionibus Grotianis ad ductum Kulpisii, de poenarum communicatione; deque causis bellorum iniustis ac dubiis disserui. / diebus 8 [et] 10 Erat mercatus oppidanus. / diebus 11, 14 [et] 15 De non temere, etiam ex iustis causis suscipiendo bello: de causis belli pro aliis suscipiendi: de causis iustis, ut bellum geratur ab his, qui sub alieno sunt imperio. / Sequebantur feriae Paschales. / diebus 28 [et] 29 Librum tertium Grotianum auspciatus, ostendi, quantum liceat in bello deque dolis, mendaciis, repressaliis egi, et quomodo iure gentium bona subditorum pro debito imperantium obligentur, demonstravi. / Mensis Maii / } diebus 1,2,5,6,8, 9, 12 [et] 13 De bello solenni iure gentium, de iure interficiendi hostes, et temperamento huius iuris de rebus vastandis eripiendis et temperamento circa vastationem, de iure acquirendi bello capta, et temperamento circa res captas actum fuit. / Morbo impeditus per dies aliquot legere haud potui. / die 30 De iure in captivos et temperamento huius iuris sum locutus. / Mensis Iunii / diebus 2,3,5 [et] 6 De imperio in victos et temperamento circa acquisitionem imperii: de postliminio, et temperamento circa ea, quae iure gentium postliminio carent: de his qui in bello medii sunt, disserui. / diebus 11, 13 [et] 16 De his quae in bello publico privatim fiunt: de fide inter hostes, pacis pactione de sorte, certamine condicto etc. de induciis, commeatu, de fide minorum potestatum in bello: actum fuit. / die 17 De fide privata in bello, de fide tacita egi, et monita Grotii ad fidem et pacem explicavi , hisque praelectionibus Grotianis imposui finem./ [v] / In Professione Eloquentiae / Mensis Aprilis / diebus 1,3,4 [et] 7 In pomeridianis de genuina comparandae eloquentiae ratione praelectionibus publicis, de variis styli exercitationibus disserui. / diebus 8 [et] 10 Erat mercatus oppidanus. / diebus 11, 14 [et] 15 Argumentum hoc absolvi. / Sequebantur feriae paschales. / diebus 28 [et] 29 De genuina Latinitate egi. / Mense Maii. / diebus 1,2,5 [et] 6 Doctrinam hanc prosecutus sum. / Morbo impeditus, labores publicos privatosque aliquamdiu differre sum coactus. / die 30 De infantia, adolescentia, virili aetate, et senectute latinitatis dicere coepi. / Mense Iunii. / } diebus 2,3,5,6,12,13 [et] 16 De optimis aevi melioris scriptoribus, Cicerone, Caesare, Varrone, Sallustio, Nepote, Livio, Trogo Pompeio, Paterculo, Curtio, Plinio, Maiore, et iuniore, Tacito, Floro, Suetonio, Cornelio Celso, Pomponio Mela utroque Seneca, aliisque dixi. / die 17 Praelectiones has absolvi. / Iustus Christophorus Böhmer |