| Text |
Anno MDCCX Mensibus Iulio, Augusto et Septembri / In Professione Eloquentiae / Mense Iulio ad acidulas Pyrmontanas profectus sum valetudinis causa: finitisque nundinis Brunsvicensibus. / Mensis Augusti / die 18 novis iteratisque in Monzambanum de statu imperii Germanici lectionibus publicis prolusurus, orationem habui auspicalem vitas ac memorias Professorum Helmstadiensium in facultate Iuridica, qui vivere desiverunt, a Iohannes Munsingero ad Hermannum Nigrinum complectentem. / diebus 19, 21 [et] 22 De vita Pufendorfii scriptisque variis: de libri huius fatis, commentatoribus in eundem, aliisque huc pertinentibus dixi. / diebus 25 [et] 26 Quae potiora erant in epistola dedicatoria, illustravi. / diebus 28 [et] 29 De Germaniae antiquae terminis, et regimine populorum Germaniae veteris disserui. / Mensis Septembris / die 1 Controversiam, num Franci ad Germanos, an ad Gallos referant originem, expendi. / diebus 2 [et] 4 Erat mercatus oppidanus. / diebus 5 [et] 8 De incrementis Francorum imperii, et quo titulo Carolus diversas suas provincias possederit, egi. / diebus 9, 11 [et] 12 Quo statu fuerit Germania sub Carolo Magno, Ludovico Pio, eiusque filiis explicui. / diebus 15,16 [et] 18 Habebantur disputationes inaugurales in facultate Iuridica et Medica. / diebus 19 [et] 22 quomodo imperium Romanum a Gothis sit occupatum: quomodo orienti ad haeserit: quaque ratione inde sit avulsum, docui, explicuique reliqua, quae capite primo continentur. / die 23 Erat Consistorium publicum. / diebus 25 [et] 26 Propter usum medicamentorum pergere haud potui. / In Professione Eloquentiae. / die 19 Novis publicisque de epistolis quae Latine quae Teutonice, ornate scribendis praelectionibus prolusurus, orationem habui auspicalem eamque secundam de Professoribus Helmstadiensibus in Facultate Iuridica, fato suo functis, a Ioanne Iagemanno ad Albertum Clampium. / [v] / diebus 19, 21 [et] 22 De praecipuis epistolarum Scriptoribus disserui. / diebus 25, 26, 28 [et] 29 De partibus epistolae tam eruditae, quam pragmaticae externis atque internis dixi. / Mensis Septembris / } diebus 1,5,8,9,11,12,22 [et] 23 De virtutibus epistolarum, deque variis earum generibus disserui. / Sequebantur feriae Michaelitanae / Iustus Christophorus Böhmer |