| Text |
Anno MDCCX Mensibus Ianuario, Februario, Martio/ Mense Ianuario / } diebus 9,10,13,14,16,17 [et] 20 In praelectionibus Grotianis ad ductum Kulpisii in exercitatione quinta et sequentibus de alienatione imperii: de testamentis, de acquisitione derivativa, quae sit per legem, de successionibus ab intestato egi, simulque ostendi, quomodo desinant imperia. / } diebus 21, 23, 24, 27,28, 30 [et] 31 De obligatione, quae ex dominio oritur, de promissis, de contractibus disserui. / Mense Februario / Sequebantur nundinae Brunsvicenses, et promotio Magistrorum in Facultate Philosophica. / } diebus 24,25, 27 [et] 28 De iure iurando: de eorum qui summum habent imperium, de promissis, contractibus, iuramentis, item de foederibus ac sponsionibus sermonem institui. / Mense Martio / die 3 Erat consistorium publicum. / } diebus 4,6,7,10,11,13,14,18,20,21 [et] 24 De interpretatione: de damno per iniuriam dato et obligatione quae inde oritur: de legationum iure: de iure sepulturae: de poenis egi. / die 25 Celebrabatur festum annunciationis Mariae. / diebus 27 [et] 28 Non legi, orationi parentali in funere Principis Guelficae publico nomine habendae intentus. / die 31 quae in doctrina de poenis et capite Grotii vicesimo restabant, absolvi. / Iustus Christophorus Böhmer |