| Text |
Anno MDCCX Mense Aprili / Publicas meas Institutionum Imperialium praelectiones, quas ad Libri 11. titulum 19 perduxeram, continuavi, atque diebus 1,3,4 et 7 titulum 20 de Legatis interpretatus sum / Die 8 et 10 Erat mercatus oppidanus. / Die 11 Absolvi ea quae ex titulo 20 adhuc supererant et titulo 21 de ademtione legatorum et translatione explicui. / Incidebat deinde hebdomas magna et festum Resurrectionis Domini Nostri Iesu Christi. / Mense Maio / Diebus 5,6,8 et 9 Propter usum medicamentorum / [v] / publice docere non potui. / Diebus 12 et 13 Titulum 22 de Lege Falcidia enucleavi. / Diebus 15,16,19 et 20 Titulum 23 de Fidecommissariis hereditatibus et ad Senatus consultum Trebellianum et titulum 24 de singulis rebus per fideicommissum relictis ad liquidum deduxi. / Die 22 et 23 titulum 25 de Codicillis publice exposui. / Die 26 Publicae preces pro conservatione frugum nuncupatae. / Diebus 27 et 30 Ea quae ex novem prioribus libri III. Institutionum titulis adhuc usum praestare possunt, delibavi. / Mense Iunio / Diebus 2,3,5 et 6 Materiam successionis ab intestato ex Novella CXVIII. derivavi. / [22r] / Reliquas meas praelectiones tum feriae Pentecostes tum funus domesticum beati mei Soceri sufflaminarunt. / Georgius Engelbrecht. |