Rechenschaftsbericht

Autor	Prof. Christoph Heinrich Ritmeier (Philosophische Fakultät)
Zeitraum	13.01.1710–04.02.1710
Text	Anno MDCCX Mense Ianuario / die 13 Ex graeco Novi Testamenti codice Non-Graeca peculiari instituto expendere coepi; praemisso discursu de stylo Novi Testamenti in genere, deque potioribus circa illum inter eruditos agitatis controversiis. / die 14 De Latinismis inibi occurrentibus cum in vocibus singulis, tum coniunctis dicere sum exorsus. / diebus 16 [et] 17 De nuper in Belgio disceptatis prolixe inter Iacobum Perizonium et Ulricum Huberum circa πραιτωριον disserui. / [v] / diebus 20 [et] 21 κγσωδιαν κηvδν κοδραντην et multas tales Novi Testamenti voces latinas exposui. / die 23 Erat mutatio Vice-Rectoratus. / die 24 Auctio librorum publica. / die 27 De Hellenistici Styli controversia latius disserui. / die 28 De Hebraismis Novi Testamenti. / diebus 30 [et] 31 Persica, Syriaca, Chaldaica etcetera seorsim exposui, et ita lectiones has de Non-Graecis Novi Testamenti finii. / [64r] / Mense Februario / diebus 3,4, et sequentibus Erant Nundinae Brunsvicenses. Quibus transactis auspicatus sum de hodiernis Graecis eorumque statu lectiones prout Programmate typis exscripto et hic adiecto publice exposui. Eandemque laborem non interrupta serie per mensem Februarium et Martium integrum continuavi. / Disputationi publicae proposui Nomenclaturas mortis emphaticas ex Novo Testamento memoriae Celebrisissimae Principis Sophiae Amalia humillime consecratas. Christophorus Henricus Ritmeier
Quelle	37 Alt 2539; 37 Alt 212 H.2, 63-64r; 143-144