| Text |
Anno MDCCX Mense Iulio / diebus 1,3,4 et 7 De lingua Graeca hodie vulgari disserui, et quomodo differat ab antiquo graecismo: nec non varietatem eius ratione locorum et usus in ecclesiasticis aeque ac vita communi monstravi. / diebus 8 et sequentibus Erant Nundinae Oppidanae. / die 14 Finitis Lectionibus de hodiernis Graecis, philologemata / [v] / Graeca selectiora ex Novo Testamento epistolis catholicis proponere coepi. / diebus 15, 17, 18 [et] 21 In hoc negotio perrexi. / die 22 Erat mutatio Vice-Rectoratus. / die 24 usque ad 31 Absolutis duabus Epistolis Petri, ad Epistolam Domini Iacobi accessi. / [67v] / Mense Augusto / die 1 usque ad 8 Eandem pertractavi et ad finem perduxi. / diebus 11 et sequentibus Nundinae Brunsvicenses. / Quibus finitis, in luctum domesticum coniectus, cui febris tertiana supervenit, docere non potui. / Mense Septembri / diebus 15, 16 [et] 18 Habebantur Inaugurales Disputationes. Quas sequebatur Promotio solennis in Facultate Iuridicata septimana proxima ante Festum Michaelis. / Christophorus Henricus Ritmeier / Graecae Linguae Professor Publicus |