| Text |
Praelectionum in Institutiones Physicas Schmidianas continuatio, et novarum de Anima series / Mense Aprili 1710 / die 1♂ Considerato Sensuum numero, de illo Visus egi, atque Oculi structuram et partes in illis brutorum, cultelli aciei subiectis, commonstravi. / die eodem De Visus obiecto, lumine et coloribus dixi. / die 3♃ Auditus rationem exposui, et auris structuram pariter ostendi. / die eodem Obiectum auditus, sonum nempe explanavi. / die 4♀ Olfactus; / die eodem Gustus et Tactus organa et modum recensui. / die 7☽ de sensibus internis egi. / die eodem De facultate appetitiva dixi. / die 8♂ Erat mercatus oppidanus. / die 9☿ Non obstante eodem mercatu, ut commentationes hae finiri possent, de Animae rationalis facultatibus Intellectu et Voluntate dixi. / [v] / die 10♃ De productione anime rationalis, ut et immaterialitate eiusdem; et / } diebus 11♀ [et] 12♄ De immortalitate mentis disserui, hisque praelectionibus finem imposui. / Hebdomas magna et feriae Paschales nos ad sacra vocabant. / In commentationibus de Anima / Mense Maio / die 20♂ Postquam ea qua ad commentationes hasce spectabant, prioribus huius Mensis diebus charte mandaveram, de Necessitate, sed et insigni difficultate huius doctrinae discursu prooemiali dixi. / die 22♃ Nominis Animae etymologiam, homonymiam et synonymiam dedi thesi 1 / die 23♀ De existentia Animae dicere coepi thesi II. die 26☽ Dies erat devotionis publicae pro avertenda annonae caritate. / die 27♂ Existentiam Animae negatam adduxi thesi eadem / die 29♃ Erat festum Ascensionis Domini. / die 30♀ Existentiam Animae affirmatam dedi thesi eadem / [83r] / Mense Iunio / die 2☽ Cuius disciplinae sit haec de Anima doctrina, disquisivi thesi III. / die 3♂ De animae essentia dogmata certis classibus inclusa protuli thesi IV. / } diebus 5♃ [et] 6♀ Placita eorum, qui ad motum, cuius anima principium respexere, proposui thesi V. / } die 17♂ [et] 19♃ post ferias Pentecostales doctinas eorum, qui ad utrumque principium spectarunt recensui thesi VII. / die 20♀ Sententias eorum, qui ad sensum, cuius anima principium attenderunt, adduxi thesi VI. / die 23☽ Illas, qui animam pro accidente habuerunt prioribus addidi theses VIII. / die 24♂ Erat festum Iohannis Baptistae / die 26♃ Dogmatum thesi V recensitorum absurditatem ostendi thesi IX. / die 27♀ Errores placitorum theses VI. propositorum adduxi. thesi X. / die 30☽ Lapsus sententiarum thesi VII memoratarum commonstravi thesi XI. / Rudolphus Christianus Wagner Doctor Professor Publicus |