| Text |
Commentationum de Anima Physicarum continuatio. / Mense Iulio 1710 / die 1♂ Falsitatem opinionum thesi VIII. consideratarum proposui thesi XII. / die 3♃ Aristotelis, ad Animae definitionem formandam, praesupposita, recensui thesi XIII. / die 4♀ Definitionem ipsam huius exposui, thesi eadem. / die 7☽ Aristotelis Animae definitionem alteram adduxi. thesi XIV. / } diebus 8♂ [et] 10♃ Consensum recentiorum cum Aristotele in his placitis ostendi thesi XV. / } diebus 11♀, 14☽ [et] 15♂ Praesupposita summi cuiusdam vivi pro animae existentia demonstranda recensui, thesi XVI, XVII, XIIX, XIX. / die 17♃ Consistorium publicum de cellae administratione erat visitandum. / die 18♀ Definitionem animae ipsam prioribus subiunctam dedi thesi XX. / [v] / die 21☽ Animarum genera proposui thesi XX. / die 22♂ Plantis animam vegetativam concedi, an vero in brutis et homine unicae unicuivis sit anima, inter autores controverti, memoravi thesi XXII. / die 24♃ Erat mutatio Vice-Rectoratus. / die 25♀ Sententiam eorum, qui plures uni vivente animas dari statuunt, adduxi thesi XXIII. / die 28☽ Alios cum Aristotele non nisi unicam in vivente animam admittere edocui thesi XXIV. / die 29♂ Hisce etiam annumeranda Viri superius laudati celeberrimi dogmata, recensui thesi XXV. / die 31♃ De anima vegetante eiusque functionibus in genere dixi thesi XXVI. / Mense Augusto / die 1♀ Nutritionem viventium considerare coepi thesi XXVII. / } diebus 22♀, 25☽ [et] 26♂ Post ferias nundinales Hanovera sontica de causa fuit mihi subsistendum. / die 28♃ Redux ex itinere hoc / die 29♀ In doctrina de nutritione viventium sum progressus thesi XXVIII. / [89r] / Mense Septembri / die 1☽ Ad animalium nutritionem respiciens de chylificationis negotio dicere sum exorsus thesi XXIX. / } diebus 2♂ [et] 4♃ Erat mercatus oppidanus. / } diebus 5♀, 8☽ [et] 9♂ Reliqua ad hanc doctrinam spectantia prioribus addidi thesi eadem et sequentibus XXX, XXXI. / } diebus 11♃ [et] 12♀ Nutritio quomodo in plantis procedat, exposui thesi XXXII. / } diebus 15☽, 16♂ [et] 18♃ Dissertationes inaugurales duae Iuridicae et una Medica praelectionibus hisce erant impedimento. / die 19♀ Augmentationem non esse peculiarem animae functionem demonstravi thesi XXXIII. / } diebus 22☽ [et] 23♂ De generatione viventium in genere egi thesi XXXIV, XXXV. / die 25♃ Dies hic solennitati promotionis in ordine Iuridico dabatur. / die 26♀ Quid in generationis animalium negotio mas conferat, exponere coepi. / Festum Michaelis cum diebus sequentibus ferias hisce commentationibus concedebat. / Rudolphus Christianus Wagner Doctor Professor Publicus |