| Text |
Commentationum Geometicarum continuatio. / Mensis Octobris 1710 / Binis ultimis hebdomadibus post ferias ordinarias ob iter ad promovenda utriusque muneris studia suceptum, cuius rationem Magnificentissimo Academiae huius Directorio humillimus exposui, non docui. Moram autem hanc pluribus horis extra ordinem adsumtis, quas praeter haec problemata Geometrica in campo expedienda sibi deposcunt, sedulus pensavi. / Mensis Novembris / die 10☽ Linearum affectionibus explanatis Theorematum praecipuorum circa lineas et angulos Imum et IIdum demonstravi. / die 11♂ Oratio inauguralis a Domino Doctore Schrammio habebatur. / die 13♃ Theorema IIItium et IVtum / die 14♀ Theorema Vtum, VItum et VIImum absolvi. / die 17☽ Datae in charta lineae rectae longitudinem per scalam Geometricam mensuravimus, et scalarum harum constructionem ostendimus problemate I et anguli dati quantitatem instrumento transportatorio determinavimus problemate II. / } diebus 18♂ [et] 20♃ Erat mercatus oppidanus. / die 21♀ Dato angulo ad datam lineam aequalem fecimus problemate III. Ad lineam datam perpendicularem excitavimus problemate IV. et datam lineam vel datum angulum bifariam divisimus problemate V. / die 22♄ Die hoc extraordinario horis pomeridianis tribus tum priora haec problemata in campo absolvimus, tum distantias locorum duorum secundum lieam rectam in accessorum problemate VI, VII et VIII. inquisivimus. / die 24☽ Seposito problemate IX in campo expediendo, datae rectae parallelam duximus problemate X. rectam datam in desideratas aequales partes divisimus problemate XI. et per data tria puncta in directo haud posita arcum peripheriae descripsimus, problemate a me addito. / [91r] / die 25♂ Datis lineis vel duabus vel tribus rectis proportionales delineavimus problemate XII et XIII. / } diebus 27♃ [et] 28♀ Theoriam partis secundae de superficiebus expositam dedi. / Mensis Decembris / die 1☽ Theorematum praecipuorum circa figuras I, II, et III / die 2♂ Theorema IVtum; / die 4♃ Theorema Vtum et VItum demonstravi. / die 5♀ Super datis rectis vel ex datis hisce triangula et parallelogramma descripsimus problemate I, II et III. / die 8☽ Reliquis antecedentibus problematibus absolutis polygona regularia delineavimus, problemate IVto. / die 9♂ Logistica decimali ex arithmeticis hac vocata areas parallelogrammorum et triangulorum inquisivimus problemate V et VI. / die 10☿ Die extraordinario in campo areas superficiales agrorum determinaturus, horis tribus pomeridianis eorum limites charta excepimus. / die 11♃ Areas, trapezii, polygoni, et circuli inventas dedimus problemate VII et VIII. / die 14 ♀ In campo piscinae terminos in chartam transportavimus per horas tres. / die 13♄ Areas agrorum superiorum et pisionae calculo expressimus, per horas tres. / [v] / die 15☽ Plura quadrata in unum aequale commutavimus problemate IX, nec non triangula et parallelogramma data in partes desideratas divisimus problemate IX., X et XI. / die 16♂ Problematibus hisce Sturmianis duo addidi summe necessaria Imum de divisione tum trapezidis, tum polygoni cuiuscunque irregularis in partes desideratas quascumque IIdum quomodo a dato quocunque polygono desiderata perticarum quantitas sit abscindenda, horis duabus. / die 18♃ Theoria partis IItiae de solidis seu corporibus exposita, theorematum praecipuorum Imum et IIdum demonstrata dedi. / die 19♀ Theoremata reliqua II. IV, V et VItum absolvi. / die 22☽ Retia, ut vocantur, tetraedri, cubi, octaedri et Icosaedri delineavimus. / die 23♂ Dissertationis inauguralis Theologicae auditor fui./ Feriis nativitatis Salvatoris nostri ad sacra vocabamur. / Rudolphus Christianus Wagner Doctor Professor Publicus. |