| Text |
Friderici Ulrici Calixti Catalogus Lectionum publicarum a Festo Michaelis usque ad Festum Nativitatis Christi 1660 / [15v] / October / [die] 2 Octobris erat Promotio IV Candidatorum in Facultate Iuridicae / [die] 3 Expediendorum negotiorum ego Wofferbytum profectus / [die] 9 Eiusdem Mensis reversus sum & / [die] 11 Doctrinam de Iustificatione incepi / [die] 12 Quomodo in electionis decreto fundetur ostendi / [die] 15 De iustitia Christi activa & passiva egi / [die] 16 Ad Domini Magistri Senderi, Rectoris Magdeburgensis per integrum septennium domesti & commensati mei nuptias profectus / & [die] 18 redux cum proxima septimanae intitio / [die] 22 ad publicas lectiones reversus sum & actiones immanentes, permanentes, transeuntes & transitoria quomodo differant exposui, atque ad praesens negotium applicavi / [die] 23 Quaenam sit causa iustificationis principalis & quot instrumentales ostendi / [die] 25 Erat Disputatio inauguralis in Facultate Medica / [die] 26 Quo sensu verbum Dei utpote causa instrumentalis a parte Dei ultra propriam virtutem elevari dicatur ostendi / [die] 29 Dignitatem fidei non ex se quatenus virtus est, sed ex obiecto aestimandam ostendi / [die] 30 Meritum de condigno & congruo quomodo differat & quod neutrum in Iustificationis negotio locum habeat contra Pontificios demonstravi / [16r] / November / [die] 1 Erat Oratio Inauguralis Domini Magistri Meyeri / [die] De dispositionibus & praeparationibus ad iustificationem egi / [die] 5 De exponibili hac propositione, sola Fides iustificat, disserui / [die] 6 Impossibilitatem Iustificationis per opera legis obtinenda ob oculos posui / Reliquos huius septimanae dies examini Candidati in Facultate nostra impendi / [die] 12 De iustificatione prima & secunda egi / [die] 13 De infusione habitus iustitiae & iustitia in haerente disserui / [die] 15 Quantum in genuina vocis Iustificationis acceptione situm sit momenti ostendi / Reliqui proximae septimanae dies Disputationi Inaugurali de Certitudine Iustificationis & Gratiae me Praeside 22 Novembris habitae inpendendi fuerunt / [die] 26 Nostrae & Pontificiorum de Iustificatione doctrinae comparationem institui / [die] 27 Egi de quidditate fidei & Iustificationis doctrinam tertio Decembris absolvi / reliquum vero tempus duorum Theologiae Candidatorum Promotio 10. Decembris me decano celebrata, & alia Facultatis Theologiae negotia occuparunt / Fridericus Ulricus Calixtus Doctor manu propria |