| Text |
Anno MDCLX/ Mense Decembri / Die III et IV de Helvetiorum foederis initiis, et eorundem in Electionis negotio causis seu Interesse / et cur neque Austriacum neque Galliae regem illo Imperio potiri voluerint; / de Angliae item rege Henrico VIII. eiusque in ea causa studiis / Inprimis autem Anglorum in Galliae regnum iuribus ac titulo usurpato, et obiter de lege Salica disserui / VIo et VII domestica causa graviore / Xmo promotione Doctorali Theolog. / XI et XIII eadem causa domestica et valetudine fui impeditus / Caeteris diebus usque ad XXI de Imperii Germanici iuribus in Italia per Romanos Pontifices imminutis; / et rationibus, cur illi quemvis admodum potentem Imperatorem fieri haud lubentes sinant / deinde in specie, cur Caroli Electionem Pontifex impedire conatus fuerit / cur item Francisci rebus haud sincere studuerit / ac potius e caeteris Germaniae principibus aliquem eligi voluerit explicavi / Postea Venetorum in hoc negotio pariter ab omni parte causis propositis, tandem Germaniae reactiones, qualemque et quem eius eo tempore status Imperatorem postulaverit, pro temporis angustia breviter indicavi, lectionibusque de hoc argumento finem imposui / Christianus Eberhart |