| Text |
Samuel Rachelius Philosophiae Moralis Professor / Anni MDCLX Mense Ianuario / Feriis rite peractis ad explicationem librorum Nicomacheorum redii, et a Septimi Capite V orsus, operam nostram perduxi ad Cap. XIII / Illam vero interpellarunt die quidem IX Disputatio Inaug. Medica, die X Nuptiae Dn. M. Eberhardi, die XIX translatio Magistratus Academici 7 die XXX iter aliquod necessarium / die XVIII publice disputabatur liber VI Ethicorum / Mense Februario / duobus postremis Libri VII Capitibus expositis philologice et moraliter interpretatus sum quinque priores Libri 1 Epistolas Horatii, ut interea jam perfectae Pericorum [?] novae editionis exempla pararentur / quo facto, die XXVII Libri VIII explicationem aggressus sum, et primi secundis Capitis analysin proposui / Die VI et VII iter aliquod necessarium a labore me abstraxit / Die XIX disputatio me Praeside habita fuit de Principiis actionum humanarum / Mense Martio Libri VIII explicationem continuavi, eamque a Cap. III ad XII perduxi / Diem XIII, XV et XVI valetudinis cura sibi vendicavit. |