Rechenschaftsbericht

Autor	Prof. Christoph Schrader (Medizinische Fakultät)
Zeitraum	02.07.1660–30.09.1660
Text	Anno MDCLX / Iulii mensis die secundo publice non docui ob Festum Visitationis Mariae / Postridie vero Themistoclis laudationem mense Iunio exeunte coeptam absolvi / IVto Iulii morbus me invasit et per integrum hunc mensem ac magnam partem mensis Augusti sequentis graviter afflixit / Inde paulum mihi redditus curavi ut XXIII Augusti orationem de aequitate ostracismi haberet studiosus, Iuris Candidatus, edito in hanc rem programmate / Ultima autem mensis Sextilis hebdomade quater publice docui et e Romana Historia generis demonstrativi materias proposui / Septembri mense perrexi eisudem generis argumenta proponere / Nundinae biduanae, Consistorium bis extra ordinem habitum, et duae disputationes inaugurales primo totidem dies exemerunt / Inde extremam mensis partem Visitatio scholarum Classicarum occupavit / Christophorus Schrader manu propria
Quelle	37 Alt 2493, fol.90