| Text |
Anno MDCLX / Mense Octobris hebdomadem primam feriae legibus concessae, secundam et tertiam, Scholarum Gvelphicarum visitatio, exemerunt / Inde a XXIItio mensis hius die ad finem usque orationum demonstrativarum argumenta e Romana historia ad ductum Rhetoricae Aristotelis elaborata publice proposui, cum interim unum diem disputatio Medica inauguralis occupavit / A Novembris quinto die cum anteriores necessario in agrum Magdeburgicum itinere exemti essent, usque ad vigesimum tertium e Romana et Germanica historia orationum demonstrativi generis argumenta publice dictare perrexi / Biduum interim, nundinae, unum diem filiae ministri quondam Acad. nuptiae, diem alterum disputatio Theologica inauguralis sibi vindicarunt / Vigesimo septimo Novembris orationum iuridicialium argumenta e sacra historia publice tradere incepi / Funus viduae Professoriae et sub inde ingruens valetudo adversa per reliquum triduum praelectionem impediverunt / Decembri mense a die 3tio ad XXImum perrexi e sacra, graeca et Romana historia iuridicialium orationum argumenta ad Rhetoricae Aristotelis normam dilatata publice proponere / Sexto die peregrinorum adventu, decimo solenni Doctoratus in Faucultate Theol. docere sum prohibitus / Christophorus Schrader 31. Decembris 1660 manu propria |