| Text |
Anno MDCLVII / Mense Ianuario / Post solennes ferias ob iter necessarium Egelam susceptum dilatis adhuc per biduum lectionibus publicis, redii ad illas die XV Januarii, et cum ante ferias in tradenda Geographia ad Galliae usque Transalpinae partes pervenissem, repetitis breviter superioribus, Galliam Narbonensem, Antamiam et Celticam proposui. Die XVI Galliae Belgicae exhibui, et aliqua de hodierno Galliae statu disserui. XIX.o caelum nebulosum tabularum Geographiae in obscuro auditorio conspectum impedivit: nec XX.o negotium in privato consistorio expediendum pergere in lectionibus potui. XXII.o fuit mutatio Vice Rectoratus. XXIII.o Belgium hodiernum, eiusque singulas provincias, adita etiam historica status publici descriptione: XXVI.o Quae de Belgio restabant, itemque Britannicas Insulas exhibui. XXVII.o Funus Academicum horam lectionis eripuit. XXIX Germaniae hodiernae provincias XXX. Veteris aliquos populos, indicatis simul eorum sedibus, enarravi. Christianus Eberhart. |