| Text |
Anno MDCLVII / Mense Aprili et Maio / Paschales ferias et reliquum mensis Aprilis, necessarium iter in patriam, serenissimus Principis, Directoris Academicae Magnificentissimi nomine mihi indultum, consumpsit. Maii initio inde reversus ad publicas lectiones redii die eius mensis XI.o et historiam Romanam explicaturus initio quidem de huius ipsius utilitate et amplitudine: tum ordine quo ea tractanda, quomodo pro temporum rerumque varietate distinguenda, qua denique ratione excerpta Historica seu Politica inde sint conficienda, disserui: quos sermones etiam die sequenti XII. continuavi. Die XIV valetudine impeditus XV.o Eutropium interpretari coepi, et explicato prooemio ipsam historiam aggressus, originem urbis Romae, variasque circa eam sententias exposui. Proxima deinde statim post Pentecosten hebdomada die XXVi Maii /v/ ad lectiones reversus de republice Romana eiusque scopo, forma praeterea eius prima et antiquissima, nempe regno, sub VII. illis regibus disserui, eamque initio novae illi civitati ac fini eius maxime accommodatam ac propemodum necessariam fuisse ostendi. Die XXIIX et XXIX Romuli instituta et res gestas enarravi tum de Numae, secundi regis factis institutisque, et in genere de legum et sacrorum seu religionis in republice necessitate; De Tullo denique Hostilio tertio rege, et ab eo aucta civitate verba feci. Christianus Eberhart. |