Rechenschaftsbericht

Autor	Prof. Christoph Schrader (Philosophische Fakultät)
Zeitraum	18.10.1656–30.10.1656
Text	Anno MDCLVI mense Octobris / Quum mensis huius primos dies ad decimum octavum usque Scholarum Ducatus Wolferbytani demandata mihi visitatio occupasset / vigesimo mensis huius die in Academia coepi publice exponere Marci Minucii Rufi Equitum Magistri orationem adversus Fabii Dictatoris cunctationem ex Titi Livii libro XXIIdo eandemque citra ullam intermediam dilationem, / vigesimo octavo mensis die absolvi / Die XXXmo huius mensis ex eodem Livii libro exorsus sum interpretationem Orationis Quinti Fabii ad Lucium Aemilium qua tuta consilia, adversum Hannibalem celeribus praeponenda esse demonstrat / Eandem et postridie continuavi / Scripsi et Decano Facultatis tradidi Kalendis Novembris Anno 1656 / Christophorus Schraderus
Quelle	37 Alt 2489, 63, 65 (Duplette)