| Text |
Mense Aprili / Finitis feriis passionis dominicae et Paschalibus publica fuit librorum venditio, a qua die 27 ad lectiones redii, eoque et sequentibus [diebus] 28 et 30 quae circa continuationem historiae gentis Guelficae restabant, absolvi. / Mense Maio / a die 1 usque ad [diem] 12 in titulis Principum, fundamentis iurium quorundam controversorum, privilegiis item et praerogativis domus eiusdem explicandis occupatus fui. / A die 14 ad [diem] 20 habitum et conditionem regionis, commercia reditus, vires etc expendi: adhaec de praecipuis scriptoribus egi, eoque commentationibus his de principum Germaniae familiis finem imposui./ [54] / Mense Iunio / Post finitas ferias Pentecostales die 12 novas in Pacem Ryswicensem lectiones auspicatus eodem et sequenti usque ad 19 historiam secuti super: usque ad Pacem Westphaliae et Neomagensem praemisi / diebus 22 et 23. quae inde usque ad armistitium vicennale et initia novi belli fuerunt acta ex publicis Imperii actis explicavi. Per reliquos mensis dies ob iter susceptum tantisper [?] a lectionibus cessavi./ Hermannus Dietericus Meibomius |