| Text |
Lectionum publicarum series / MDCCV/ Aprilis / Finitis feriis paschalibus et auctione publica, ad illustrationem libelli de religiosis eorumque variis ordinibus a Beato Hildebrando scripti, progressus. / die 30 ♃ Indicavi scriptores, qui in genere et sigillatim de religiosis scripserunt et quaedam de tribusque monachorum generibus monui. / Maii / die 1♀ Ostendi nec Eliam nec Joannem Baptistam patrem anachoretarum fuisse. / die 4☽ Originem anachoretarum a tempore persecutionis Decianae deduxi / [}] die 5♂, die 7♃ [et] die 8♀ horum dierum lectiones impediebat iter Guelpherbytanum [/}] / die 11☽ De Paulo Thebaeo anachoretarum principe egi / die 12. ♂ De Antonio dixi et Hilarione / die 14.♃ tres classes ab Ottone Frisingensi constitutas consideravi. / die 15.♀ De Sarabaitis et Circumcellionibus actum fuit. / die 18.☽ Erant preces pro averruncandis malis a frugibus / die 19♂ De coenobitis eorumque originibus diversis disserui. / die 21♃ Erat festum Ascensionis / die 22.♀ Priori discursu absoluto ostendi, priscos monachos fuisse laicos non clericos. / die 25.☽ Progressu temporis monachos ad clericatum et episcopatum fuisse evectos monstravi. / die 26.♂ Ob disputationem Philosophicam solennem hac hora non legi. / die 28.♃ Hac hora disputatio Theologica fuit habita. / Iunii / Finitis feriis pentecostalibus ad lectiones redii / die 11.♃ Egi de votis monachorum et horis canonicis / die 12.♀ De eorundem victu et vestitu disserui. / die 15.☽ De laboribus et tonsura monachorum dicere coepi / die 16.♂ Discursum de rasura capitis et barbae monachorum absolvi. / die 18. ♃ in virginum sacrarum originem inquisivi. / die 19.♀ De illarum velis diversis, victu et vestitu dixi. / [v] die 22.☽ De clausura egi, ut et poena monialium peccantium nec non tonsura earundem. / die 23.♂ Post tonsuram monialium dixi de ipsis habitaculis monasteriorum ratione loci. / die 24.♃ Monasteria veterum habuisse scholas interiores et exteriores ostendi. / die 25♀ breve iter hanc lectionem impediebat. / die 29.☽ De claustris monialium, et monasteriorum multitudine discursum institui. / die 30 ♂ De Advocatis coenobiorum disserui. / Johannes Andreas Schmidt. Doctor |