| Text |
Continuatio Praelectionum in Artem Geometricam B. Feldeni, et novarum in eiusdem Autoris Compendium doctrinae Sphaericae commentationum Series. / Cum ob negotium domesticum curandum, usumque medicamentorum instituendum per aliquot hebdomadas commentationibus publicis vacare haud potuerim, ea propter moram hanc diebus extraordinariis mercurii et Saturni sedulus pensaturius [?] quae restabant in arte Geometrica Feldeniana problemata in campo expediunda dictis illis diebus construxi. In novis vero Sphaericis hac ratione sum progressus. / [v] / Mense Iunio / die 15. ☽ Titulum huius tractatus ac definitonem doctrinae Sphaericae ut et tractandi modum explicavi partem 1 capituli 1 / die 16.♂ Hypothesin Ptolemaicam exposui capitulo II. / die 18.♃ Hypotheseos Tychonicae capitulum III § 1; et / die 19♀ Hypotheseos Copernicanae et semicopernicanae placita capitulum eiusdem § 2 dilucidavi. / die 22.☽ de hypothesibus coelo et terrae rotunditatem asserentibus egi capitulum IV. § 1 et 2. / die 23. ♂ de loco terrae in Systemate mundano, deque eiusdem [76r] proportione erga coelum stellatum disserui capituli eiusdem § 3. / die 25.♃ partem II. capitulum de Sphaera et eius partibus fuit dictum. / die 26 ♀ Circulorum ratione in genere exposita, divisionem eorum intuitu quantitatis, in maiores et minores; situs in rectos et obliquos; motus sphaerae in immobiles et mobiles lustravi capitulum II. § 1.[,]2. [,] 3.[et] 4. / die 29.☽ de circulis maioribus intrinsecis et mobilibus, et in specie aequatore, polis eius, Zodiaco, latitudine eius, ut et ecliptica fuit dictum capitulum III. § 1. [,]2.[,] 3.[,]4.[et] 5. / die 30. ♂ Divisionem Zodiaci variam per aequatorem, signa, binosque colaros explicavi. / [v] In Geometricis autem / die 18.♀ per horas quatuor ex propositionibus Feldenianis partem. Posterior capitulum III. propositione I. distantias duorum locorum per mensuram datam exploravimus ut et propositio XVI.ta duorum locorum quorum unus erat in accessus, intercapedinem determinavimus ope calculi trigonometrici. / die 20.♃ In problematibus Geometricis per horas tres pergens distantias duorum locorum modo recensitas ope mensulae Praetorianae indicavi propositione XVII, et porro distantias duorum locorum, quorum alter ex altero conspici haud poterat, inquisivi tum calculo trigonometrico, tum mesula modo dicta propositione XXV et XXVI. / die 24.♀ erat Festum Johannis Baptistae. / die 27.♃ horis quatuor propositione VI. montis cuiusdam lineam a radice ad perpendiculum; propositione VII. et X. eiusdem basin et altitudinem propositione VIII. acclivitatem, singulas calculo trigonometrico; prop. IX vero et XIma easdem mensae ope definivimus. / Rudolphus Christianus Wagner Professor Publicus |