| Text |
Anno MDCCIIX Mensibus Ianuario, Februario, Martio / In Professione Politices / Mense Ianuario / die 12 Novis in Monzambanum de Statu imperii Germanici lectionibus in posterum habendis, orationem auspicalem praemisi de vitae litterariae commodis ac fastidiis. / die 13 De praecipuis iuris publici Scriptoribus, et Germaniae antiquae terminis disserui. / die 16 Regimen populorum veteris Germaniae, et controversiam, num Franci ad Germanos, an ad Gallos primam referant originem, expendi. / die 17 De incrementis Francorum imperii, et quo titulo Carolus diversas suas provincias possederit, egi. / die 19 Erat mutatio Vice-Rectoratus. / die 20 Quo statu fuerit Germania sub Carolo Magno, Ludovico pio, eiusque filiis, explicui. / } diebus 23 et 24 Quomodo imperium Romanum a Gothis sit occupatum, et post Gothos, quomodo Orienti adhaeserit, quaque ratione inde sit avulsum, docui. / } diebus 26 et 27 Quid Carolus Magnus Imperatoris titulo acceperit, et quomodo Otto Magnus imperium Romanum cum Germania coniunxerit, ostendi. / } diebus 30 et 31 Quinam dicantur Status imperii, et quomodo suffragia ferant, et qua ratione probari possit, esse quem imperii Statum, explicavi. / Mense Februario / die 2 Erat Festum purificationis Mariae. / die 3 De familiae Austriacae origine, incrementis, privilegiis. / diebus 6 [et] 7 De familia Comitum Palatinorum Rheni et Ducum Bavariae. / diebus 9 [et] 10 De Ducibus Saxoniae et Marchionibus Brandenburgicis. / } diebus 13, 14 [et] 16 De familiis Principum reliquis, quaenam sint, et in quas lineas dividantur. / [v] / diebus 17 et 20 de novis Principibus imperii, a Ferdinando II. creatis deque Episcoporum atque Abbatum in Germania statu ac conditione. / diebus 21 [et] 23 De Archiepiscopis, Episcopis, praelatis, Comitibus, Baronibus. / } diebus 24, 27 [et] 28 De Civitatibus imperialibus, equestris ordinis libertate ac iuribus, deque divisione imperii in decem circulos, actum fuit. / Mense Martio / diebus 1, 2, 5 [et] 6 Ob dissectionem cadaveris humani in praelectionibus publicis antemeridianis pergere haud potui. / diebus 8 et 9 De Principibus Germaniae secularibus, et Ducum ac Comitum apud Veteres Germanos officio, eorumque sub Carolo Magno conditione disserui. / diebus 12 [et] 13 Quae restabant in capite tertio, libri Monzambani, explicui. / Reliquis huius mensis diebus haud docui propter iteratam cadaveris humani dissectionem. / In Professione Eloquentiae / Mense Ianuario / die 16 Novis in Faucheurii de oratione oratoria librum, praelectionibus prolusionem praemisi vitas ac elogia Professorum eloquentiae, in hac Academia ad Seculi huius exordium, continentem. / } diebus 17, 20, 23 [et] 24 Caput 1 et 2 libelli huius explicui, et quae causa scribendi eius fuerit, quamque actionis cura et studium tam sacri, quam civilis Oratoris persona, dignum sit, ostendi. / } diebus 26, 27, 30 [et] 31 Caput 3 et 4 interpretatus sum, ostendique inter alia, primo omnium Oratori curandum esse, ut facile, et sine labrore audiri queat. / Mense Februario / } diebus 3, 6, 9, 10 De vocis suavitate et variatione, ad ductum capitis 5 et 6 actum fuit. / } diebus 13, 14, 16, 17, 20, 21, 23 [et] 24 De vocis variatione ratione rei, adfectuum, diversarum orationis partium figurarum. / [11r] / diebus 27 [et] 28 De periodorum et vocum singularium pronunciatione dixi sicque partem libri huius primam absolvi. / Mense Martio / } diebus 5, 6, 8, 9, 12 [et] 13 Ad ductum secundae partis huius libelli de gestu in genere, de capite oculis superciliis vultu egi, et partem multo maximam capitis 13 absolvi. Iustus Christophorus Böhmer |