| Text |
Anno MDCLVIII / Mense Octobri / Iussu serenissimi Principis Augusti Domini mei Clementissimi in fine Septembris adii Wolferbytum ad Magistratum cum Domini [?] Cancellarium Schwartzkopfium gravissimo morbo decumbentem, et apud eum commoratus sum usque ad diem VIII Octobris. / Die XII Examini privato subiunctus est Medicinae Candidatus Christianus Fabricius. / Die XIV Examen illud continuatum est. / Die XV. Festum academiae fuit celebratum. /[v]/ Die XVIII Cum celum esset serenum, à Cl. Domino Doctore Voglero Botanico herbatio publica autumnalis est instituta. / Die XIX Iussu Magistratus Domini Pro Rectoris horis matutinis interfui Consilio cum senatu oppidano de rebus ad academicam pertinentibus habito. / Die XXI Coepi agere de Phrenitida, et 1. Egi de varia vocis acceptione, et de mentis abalienatione cum genere. / Die XXII. Quaenam principes functiones 2. Phrenitide Laedantur, an interdum sola imaginatio salva, Ratiocinatione, et contra an Ratiocinatio integra manente imaginatione depravari possit exposui. /[100r]/ Diebus XXV, XXVI, XXVIII et XXIV De tribus his capitulis egi. 1. Ad sensuum et mentis actiones terventem [?] arteriosum et venosum sanguinem prorsus inceptum esse ostendi, idque iracundiae, ebrietatis et delirii senilis exemplis declaravi, et testimoniis Hippocratis et Aristotelis conprobavi. 2. Ad mentis operationes recte edendas requiri sanguinem temperatum. 3. Contemperationem illam sanguinis fieri in cerebro et nervis. /[100v]/ Anno MDCLVIII / Mense Novembri / Diebus I et II Novembris Egi de causis internis phrenitidis, et in specie causam proximam istius morbi esse calidam intemperiem sanguinis, ex inflamatione partis cordi vel cerebro vicinae ortam demonstravi. / Die IV Inauguralem disputationem Pro Decano et Praeside habuit Christianus Fabricius. / Die VI Iterum Wolferbytum vocatus sum ad aegrotantem Dominum Cancellarium. / Die XIII Domum redii. / Die XV Electio novi Vice Rectoris instituta est. |