| Text |
Anno MDCCVIII / Postquam elapso semstri spatio Instituionum Imperialium publicam interpretationem ad finem perduxi; ad alteram professionis meae partem iurisprudentiam criminalem ad ductum Constitutionis criminalis Caroli V. Imperatoris tradendam progressus. / Mensis Novembris / Diebus 8 et 9 Loco prolegomenorum quaedam generalia de criminibus et variis eorundem divisionibus praemisi. / Diebus 12 et 13 Erat mercatus oppidanus. / Diebus 15 et 16 Processum iudicionum criminalium tum veterum Germanorum, tum medii aevi atque historiam compositae Constitutione Criminale Caroli V. ad liquidum deduxi. / Die 19 et 20 Fontes decisionum criminalium, et notitiam Auctorum, qui hanc iurisprudentiae partem scriptis illustrarunt, proposui. / Diebus 22, 23 [et] 26 Occasione articulum 1, 2, 3, 4 [et] 5 Constitutionis Carolinae de personis iudicium criminale constituentibus earumque officiis et iuramentis egi. / [v] / Diebus 27 et 29 Praelucente articula 6 et 7 definitionem indiciorum et corporis delicti explanavi, et quomodo de hoc aliter ad inquirendum, aliter ad capturam, aliter ad torquendum, aliter ad condemnandum constare debeat, monstravi observata simul cautela iudicum; de requirendis in dubiis casibus consiliis Facultatum et Scabinatuum. / Die 30 Ex articulum 8 et 9 Iudicem si alia probationes adsint ad torturam progredi non debere; accusatorem vero post institutas per tormenta quaestiones ad probationem criminis adhuc admittendum esse ostendi. / Mensis Decembris / Die 3 Ex articula 10 et 11 de captura reorum et hodierna carceris poena disputavi. / Die 4 articula 12, 13, 14, 15 et 17 de cautionibus accusatorum agentes explicui. / Die 6 Articulum 16 de delictis notoriis interpretatus sum. / Diebus 7 et 10 Occasione articula 18, 19, 20 [et] 21 de indiciis criminum tum legitimis tum illegitimis et falloribus differere coepi. / Die 11 Ob indicia, de quibus sufficienter constat infamatum quidem torqueri, non vero poena capitali affici posse, ex articulo 22 et iure Romano demonstravi. / Die 13 Ad articulum 23 modum probandi indicia tradidi. / [29r] / Diebus 14, 17, et 18 articula 24, 25 et 26 de communibus indiciis agentes fusius declaravi. / Die 20 Ex articulis 27 et 28 de concursu plurium indiciorum disquisivi. / Die 21 Ex articulo 29 communia indicia certissima, ex quibus reus torturae subiici possit, in medium attuli. / Reliquas meas praelectiones intercipiebant feriae Nativitatis Iesu Christi. / Georgius Engelbrecht |