| Text |
Anno 1708 / Mense Iulio / In Danielis Chaldaei recensione Philologica perrexi. / die 2 Maria ex Auditorio in templum nos vocavit. / } diebus 3,5 [et] 6 Caput V. Danielis orsi, Chaldaicum Belsazarius convivium ex remota antiquitate, Herodoti et Xenophontis opera, quod singula momenta a Daniele commemorata, sedulo illustravimus. / } diebus 9 [et] 10 Nundinae oppidanae alias apposuere dapes. / } diebus 12 [et] 13 Terribile spectaculum in mensa, manu in pariete quid scribente, curate intuiti. / } diebus 16, 17, 19 [et] 20 Danielis longam et memorabilem oraculi illios ominosi explicationem exacte ponderavimus, pro satis praesentis illo tempore obsidionis, Cyro ex Dario urbem illa nocte expugnationis idque Caput V. finitum / [v] / die 23 Ad Caput VI. Danielis Cyaxaris S. Dari Medi [?], in Babylonia Proregis, post expugnationem Cyri, curiam, ex Danielis in illa dignitatem commemoravimus. / die 24 ViceRectoratus solennis mutatio horam sibi vindicavit. / } diebus 26,27, 30 [et] 31 Tristia primum, in Leonum forea, dein serena Danielis fata, ad immensa singulorum verborum pondera, trutinavimus. Eoque ipso Caput VI. expedivimus. / Mense Augusto / } diebus Ad Caput VII. Danielis. Quatuor praegrandes bestias, Nebucadnezaris Evilmorodachi, Belsazaris atque Cyri imperia, Iudaicae Ecclesiae molestissima, huiusceque ab illo iugo liberationem, ad singularum vocum tenorem, Xenophontis praesertim adiumento, sollicite ex distincte delineavimus. Capite VII. totoque Chaldaeo Daniele absoluto. / [53r] / } diebus 13,14,16,17,20,21,23 [et] 24 Nundinae Brunsvicenses Danieli expedito quietem, nobisque in Syriam e Babylonia reversuris, cuncta ad iter apparandi spatium dederunt. / } diebus 27, 28, 30 [et] 31 A Chaldaicis ad Syriaca digressi, Linguae Syriacae usum, in Novo praesertum Testamento intelligendo, ordine et fuse demonstravimus. / Mense Septembri / } diebus 3,4,6,7,10,11,13,14,17,18,20,21,24,25, 27 [et] 28 Totius Syriae quoad terram et historiam, notitiam ad omnium sacrorum librorum cognitionem summopere esse necessariam, multis primum fuit demonstratum. Dehinc totius linguae res grammaticalis a capite ad calcem plurissime plerissimeque expedita, Chaldaicae linguae indole cum Syriaca ubique comparata. / Quae res ante Ferias Michaelis confecta. / [v] His mensibus pluscula edidi Philologica opuscula, Studiosorum usibus destinata, et Exegesi Philologicae illustrandae consecrata./ Hermannus von der Hardt / Linguae Sacrae Professor |