| Text |
ANNO MDCLVIII / Cum die decimo et quarto mensis Ianuarii, Scheninga quo ob vitandum pestis contagium cum familia concesseram reversus essem, auditores pene nulli ad aliquot septimanas aderant. Cum autem paullatim se nonnulli colligerent, reversus sum ad praelectiones. / MENSE MARTIO / Legi die octavo, nono, undecimo, duodecimo, decimoquincto. Decimo-sexto propter summam frigoris asperitatem non legi. Perrexi die decimo octavo, decimo nono, vigesimo secundo, vigesimo tertio. Die vigesimo quincto propter festum annunciationis Mariae non legi. Legi rursus die vigesimo sexto. Vigesimo nono autem et trigesimo propter nundinas non legi. / Disputavi semel publicè de Iustificatione, Disputationis ipse autor. / Praelectionum materiam designavi ad mensem Iunium. / Gerhardus Titius Doctor |