| Text |
Continuatio commentationum publicarum in Casatum de Igne, Physicarum / Mense Octobri 1707 / Die XI♂ In explicanda Dissertatione quarta, an exustione nova gignatur substantia ulterius sum progressus, atque num Elementa in corpore misto maneant nec ne disquisivi. / Die XIII♃ Thesin Physicorum: Formas fieri ex nihilo quidem sui, sed non ex nihilo subiecti, dedi expositam. / } Diebus XIV♀ [et] XVII☽ De formis partium forma totius subiectis disserui. / } diebus XVIII♂ [et] XX♃ Num in incensione substantialis mutatio contingat, expendi. / die XXI♀ De duplici mutationum genere, altero quo forma materiam perficit, altero, quo materia spoliatus forma, dictum fuit. / } Diebus XXIV☽ [et] XXV♂ Orta flamma novam ignis formam substantialem non oriri, ex autore fuit demonstratum. / Die XXVII♃ [et] die XXIIX♀ Exustionis genuina ratio fuit indagata, et reliqua huius disseratationis absoluta. / [v] / Mense Novembri / } Diebus I♂ [et] III♃ Dissertationem quintam de calore sum aggressus, et primo materiae subtilitatem in corporibus organicis minutissimorum animalium cognoscendam dedi. / } diebus IV♀ [et] VII☽ Minima quaerumque corporis alicuius suis adhuc constare figuris ostendi. / } Diebus VIII ♂ [et] X♃ Calor num ad substantiarum, num vero accidentium classem pertineat inquisivi. / } Diebus XIV ☽ [et] XV♂ Erat mercatus Oppidanus. / } Diebus XVII♃, XVIII♀ [et] XXI☽ Caloris naturam in commotis agitatisque igniculis consistere, pluribus examplis fuit decutum. / } Diebus XXIV♂ [et] XXV♃ De rarefactione eiusque ratione disserui. / } diebus XXV♀, XXVIII☽ [et] XXIX☽ Quomodo calor alia corpora calfaciat, et quaenam in hac igniculorum immissione contingant consideravi. / [86r] / Mense Decembri / } Diebus I♃, II♀ [et] V☽ Caloris effectum, quo homogenea congregare, et heterogenea disgregare, dictique expendi, simulque, quonam homogenae, quonam heterogenea dicenda sint, edocui. / } Diebus VI♂ [et] VIII♃ Caloris naturam ex opposito frigore illustraturus, praeter tenuissimas particulas calidas frigidas quoque alias in permultis corporibus esse statuendas demonstravi. / } Diebus IX ♀ [et] XII☽ De frigidorum spirituum ratione, ac formali ratione egi. / } Diebus XIII♂ [et] XV♃ De eorum figura, qualisnam coniicienda dixi. / Die XVI♀ Reliqua de his ipsis, ut et de calore ad finem deduxi. / } Diebus XIX☽, XX♂, XXII♃ [et] XXIII♀ Ob valetudinem infirmam non docui. / Sequebantur feriae Natalitae. / Rudolphus Christianus Wagnerus Professor Publicus |