| Text |
Anno MDCCVI / Mensis October / Ad publicas meas praelectiones reversus / Diebus 11[,] 12 et 14 Iura et officia paciscentium enucleavi. / Die 15 Erat Natalis Academiae Iuliae / Diebus 18 et 19 De obligatione naturali ex pacto nudo resultante, et an, et quatenus divisiones contractuum in beneficos, et onerosos, nominatos, et innominatos, reales, verbales, litterales, consensuales bonae fidei, et stricti iuris in iure naturali sint fundatae, disquisivi. / Die 21. Actuum ultimae voluntatis indolem ac differentiam ab actibus inter vivos ex principiis rectae rationis declaravi. / Die 22. Quid iure naturae ad testamentum, aliamque ultimam voluntatem requratur excussi. / Diebus 25 [,] 26 [,] 28 [et] 29 De iustitia rectoria huiusque eximia specie iustitia correctiva, discriptione, ac divisionibus poenarum egi./ Mensis November/ Diebus 1[,] 2[,] 4 et 5 Materiam iurisdictionis ex principiis rectae rationis derivavi./ Diebus 8[,] 9[,] 11[et] 12 De officiis iudicam atuqe delictis legi./ Diebus 15 [et] 16. Incidebat mercatus oppidanus. / Die 18 Propositis officiis litigantium publicas meas doctrinae moralis praelectiones ad finem perduxi. / Mensis December / Die 16. Praemisso perculiari Programmate publicas meas commentationes in Ius Naturae ac Gentium ad ductum Institutionum Cl. Vitriarii auspicatus sum. / Diebus 17 [,] 20[,] 21[et] 23 Historiam iuris naturae exposui. / Reliquas praelectiones intercipibant feriae Natalitiae. / Georgius Engelbrecht |