| Text |
Mensis Octobris MDCLX / Cum fine praecedentis mensis Septembris absolvi librum secundum Institutionum Imperialium et horis succisivis discursus iuris publici ad Lampadii illud caput, ubi incipit Autor agere de summis Imperii nostri iudiciis / Die quarta huius mensis auspicatus sum librum tertium Institutionum, et primo egi ad titulos XIII priores de iure veteri succedendi ab intestato / Postea egi de iure novo, seu Iustinianeo ex Novella CXIIX quam iuxta tres ordines succedentium, scilicet Descendentium, Ascendentium et Collateralium ad caput illius Novellis I, II, III exposui / Qui ordines dicuntur sanguinis / Addidi postea tres alios ordines, qui iuris vocantur, nempe coniugum, Fisci et Ecclesiae / Quam insignem iuris nostri materiam succedendi ab intestato cum fine huius mensis absolvi / Disputavi hoc mense ex Sudholdio de Institutionibus et substitutionibus haeredum / Continuavi quoque horis successivis publicis discursus Iuris publici ad Lampadium de Republica Romano-Germanica / Novembris / Cum initio huius mensis auspicatus sum agere ad titulum XIV libri III de obligationibus, et / [v] / primo exposui divisionem qua obligatio dividitur in Naturalem, Civilem et mixtum / deinde ostendi fontes, ex quibus obligationes efficaces oriuntur, scilicet ex contractibus, quasi contractibus et ex variis causarum figuris libri 1 et sequentibus de obligatione et actione / Tertio secundum doctrinam Petri Nicolai Mozzii tractatus de contractu egi de conctractibus singulis in specie et (1) de realibus (2) de verbalibus (3) de iis qui dicuntur constare literis et (4) qui consensuales vocantur / In qua contractuum expositione secutus Mozzium primo ostendi cuiusque contractus substantiale, Secundo Naturale, Terio Accidentale, Quarto Praestationes, et quinto Actionem, quae ex quolibet contractu etiam utrinque datur / materiam hanc contractuum hoc mense dicta methodo paucis in mensem sequentem Decembrem reiectis absolvi, ut et ea qua restabant in discursibus Iuris publici ad Lampadium / Decembris / In fine praecedentis mensis restabant quaedam dicenda de contractibus consensualibus, illa, ea qua dixi methodo absolvi die XIV huius mensis / Die XVII coepi agere ad titulum XXIIX nostrarum Institutionum de obligatioibus, quae ex quasicontractu oriuntur, quos quasi contractus itidem ordine exposui ad dictum titulum XXIIX / Denique titulum XXX / [10r] / et finem exposui modos, quibus solvitur obligatio, scilicet solutione, acceptilatione simplici et Aquiliana, item novatione et contrario sensu quibus ex Hermanno Vulteio addidi et alios modos videlicet compensationem, confusionem haereditatis oblationem et redditionem Chirographi et cetera / Non temere hoc trimestri lectionem publicam intermisi, et si qua forte vel propter negotia Academica, vel ob aliud quoddam impedimentum grave intermissum sit, eam horis et diebus extraordinariis compensavi, uti testabuntur Auditores / Scribebam Helmstadi die XXXI Mensis Decembris MDCLX / Henricus Binnius Doctor
|