| Text |
Anno 1701 / Mense Ianuario / Diebus 11, 13 [et] 14 } In philologica recensione historiae Abrahami, ad caput XV Syris ex Cananaes oppositum, progressus, vincula fatorum et nexum rerum gestarum, à quibus orationis vis et significatio pendent recensui, ac versus tres priores accurate excussi, affectibus et consiliis Abrahami delineatis. / 17, 18, 20 [et] 21 } Pari ratione alteram oraculi partem, vers 4-9. explicui, per singula momenta eundo. / 24, 25, 27 [et] 28 } Reliqui visionis ac promissionis, de universis terris Cananaeis occupandis, argumenta, vers 10-20, ad fidem capitis pertexui, Mosis stilum ac scribendi rationem distincte declarans. / [v] / Mense Februario et Martio / A nefaria caede, die 2 Februarii, in carissimo domestico meo, optimae indolis ac spei studioso, sub meomet tecto cum horrore perpetratâ, ob funus curandum, et continuas taediisque plerissimas turbas, quotidie auctas, nec animo data tranquillitas, nec lectionibus, reliquis diebus, relictus locus. / Hermannus von der Hardt, Linguae Sacrae Professor |