| Text |
Anno 1701 / Mense Iulio / Diebus 1 [et] 4 }{ Ad Genesis XXII. vers. 20-24. De agnatis Abrahami in oriente, ex fratre nepotibus, propter futuras Isaaci nuptias à Mose recensis disserui. / 5, 7 [et] 8} Ad Genesis XXIII. De Sarae obitu, et emtionis titulo acquisito haereditario in Cananaeos. / 11, 12, 14 [et] 15 } Ad Genesis XXIV. De nuptiis Isaaci cum agnata Rebecca. Contra Cananaeos et Syros, eorumque praetensiones. / 18, 19 [et] 21 } Ad Genesis XXV.1-6. De filiis et nepotibus Abrahami ex uxoribus secundariis, ab haereditate alienis. Contra varios orientis populos, Midianitas praesertim, eorumque in Israëlitas ac terras eorum praetensiones. / [v] / Ad Genesis XXV. 7-10 De obitu senis Abrahami, et honorificis exsequiis ad monumentum in Cananaea haereditarium, in quo conditus. Contra Cananaeos. Atque ita ante magistratum, quem his diebus accipere oportuit historiam Abrahami absolvi. Vice Rectoratus munus fuit obeundum. A quo die propter continuas interpellationes, lectionis publicae fuerunt differendae, per ultimos huius mensis dies, et per Augustum ac Septembrem. / [45 r] / Edidi interea, orationem inauguralem de elegantia studiosi. Historiam novi in Belgio iudaeorum regis, Oligeri Paulli. Enucleatam enarrationem Lutheri psalmi LI latinam et germanicam. Programma in festum Michaelis. / Hermannus von der Hardt Professor publicus |