| Text |
Mense Aprili / Orationem habui inauguralem / Mense Maio / Die ultimo lectiones meas auspicatus futuris laboribus praelusi. / Mense Iunio / Diebus 2 et 3 De Francis et Francici imperii initiis et incrementis disserui. / Diebus 6 et 7 De Caroli Magni ortu, natalibus et maioribus egi. / Diebus 9 et 10 Expeditionem Caroli contra Langobardos, et diuturnum contra Saxones gestum bellum pluribus explicui. / Die 13 Reliqua a Carolo gesta bella absolvi. / Die 14 De imperatorio titulo et translato in Carolum Imperio Romanorum egi. / [v] / Die 16 Quis fuerit Carolino aevo civilis Germaniae et inprimis Saxoniae nostrae status explicui. / Die 17 Ea quae circa religionem et ecclesiae res a Carolo acta et fundatos in Saxonia Episcopatus consideravi. / Die 20 De his quae ad privatam Caroli vitam pertinent, et obitu eiusdem egi. / Diebus 21 et 23 Ludovici Pii, successoris Caroli initia regiminis explicavi, et divisionem inter filios institutam, omnium malorum, quae postea evenerunt, caput exposui. / Die 24 Festum Iohannis Baptistae / Hermannus Dietericus Meibomius |