| Text |
Mense Iulio / Diebus 4 et 5 Iulio De restitutione Ludovici Pii et his quae usque ad obitum eius acciderunt, egi. / Die 9 Ad acidulas Pyrmontanas profectus per residuum huius mensis legere non potui. / Mense Augusto / Diebus 9, 11 [et] 12 Ab acidulis redux fatalia Francico nomini inter filios Ludovici Pii dissidia, hincque subsecutas divisiones, et Germanici Imperii, ab occidentali Francorum s[ive?] Gallico penitus separati exordia exposui. / Die 15 et sequentes Aliquot propter nundinas Brunsvicenses a lectionibus cessavi. / Die 26 Easdem iterum auspicatus, Ludovici Iun. imperium, et quomodo pontifices ab eo tempore potestatem suam stabilire et arbitria regnorum affectare intenderint, explicui. / [v] / Diebus 29 et 30 De praerepto a Carolo Calvo Germanico Rege Germanis imperio, et initis circa Lotharingiam, quae tum primum Germanicae reipublicae coniungi coepit, pactionibus, deque Arelatensis regni initiis egi. / Mense Septembri / Diebus 1 et 2 Quomodo in Carolo Crasso universae Carolingici imperii ditiones ad unum redierint, et eo postmodum a populis destituto, in partes iterum divelli coeperint. / Diebus 5 et 6 Nundinae oppidanae. / Diebus 8 et 9 Quae sub ultimis Carolingici generis Arnulpho et Ludovico IV. circa res Germanicas memoratu digna evenerunt, exposui. / Diebus 12 et 13 Quomodo post extinctam in Germania Caroli propaginem Germani Conradum Francum regem elegerint, eiusque succesor Henricus primus in Saxon. / [54 r] / gentem regiam Germanicam dignitatem intulerit, tradere coepi. / Diebus 15 et 16 Felix Henrici I. regimen [?], nec armis magis quam consiliis et optimis institutis firmatam rempublicam persecutus fui. / Diebus 19 et 20 Ottonis Magni a patre designati solennem electionem, repressosque sub auspicia imperii aemulos et rebelles exposui. / Diebus 22 et 23 Quomodo non minore virtute et fortuna foris confectis difficilibus bellis, et finibus imperii prolatis, Germanici nominis gloriam ad summum fastigium provexerit. / Secutae sunt feriae Micheliatanae. / Hermannus Dietericus Meibomius. |