| Text |
Mense Octobri / Diebus 7 et 10 De expeditionibus Ottonis Muttalicis et coniuncta cum Germania pereundem Imperii dignitate egi. / Die 11 De novo per Ottonem ad Albim constituto Sax. Ducatu, aliisque in eadem ordinatis disserui. / Diebus 13 et 14 Res imperii Ottone II. imperante persecutus fui. / Diebus 17 et 18 Motas ob minorem Ottonis III. atatem turbas, auctoritatemque imperii per Italiam magna severitate affectam explicui. / Die 20 Quomodo sub Ottonum Imperio ducum potestas invalescere et haereditaria fieri, episcopi etiam et abbates ecclesiasticam seculari miscere coeperint, digressionem institui. / Die 21 Henrici II. sancti res per Germaniam et Italiam gestas exposui. / Diebus 24 et 25 Res Conrado Salico imperante memorabiles, Burgundiam ad imperium reductam, / [v] / auctoritatemque domi forisque conservatam tradidi. / Diebus 27 et 28 Quomodo Henricus III. iura majestatemque imperii in ecclesiae statu ordinando manu et consilio asseruerit, finesque imperii tuitus sit, explicui. / Die 31 Henrici IV. initia regiminis, eiusque adolescentiam tutorum licentia corruptam, viresque regiae potestatis immatura Imperatoris aetate polutas exposui. / Mense Novembri / Diebus 1, 3 et 4 Saxonum erga Henricum odiorum causas et subsecutas conspirationes et bella exsecutus fui. / Diebus 7 et 8 Contentiones eiusdem cum pontificibus et factam primo submissionem quomodoque postea contra eosdem et aemulos pereuntem dignitatem armis defendere conatus sit, exposui. / Diebus 10 et 11 Ultima Henrici et eiusdem tempestate succeptas primo transmarinas expeditiones recensui. / [56 r] / Diebus 14 et sequentes Aliquot propter nundinas oppidanas et bibliothecae Calixtinae distractionem non legi. / Die 22 Ob impedimentum publicum legere non potui. / Diebus 24 et 25 Quomodo Henricus V. cum pontificibus collisus, ad iuris Saxonum demum et inaugurationum ecclesiasticarum cessionem descenderit, deque Mathildica, quae sedi Romanae facta traditur, donatione egi. / Diebus 28 et 29 Lotharii Saxonis imperium, Geminas in Italiam expeditiones, aliaque per Germanicam et Saxoniam constituta exposui. / Mense Decembri / Diebus 1 et 2 De Conrado III. deque Henrici superbi proscriptione bellisque inter eundem et Guelfum gestis et infausta in Orientem expeditione egi. / Diebus 5 et 6 Quomodo Fridericus primus auctoritatemque imperii contra Italos rebelles ac pontifices strenue vindicaverit, et septies eo susceptas / [57 r] / expeditiones explicui. / Diebus 8 et 9 De Friederici imperio et principalibus [?] in Henricum Leonem odiorum causis, gemino ducatu aliisque possessionibus ademtis et reliqua eiusdem fortuna egi. / Die 12 Alia adhuc per Fridericum gesta et in Orientem expeditionem exposui. / Die 13 Imperii Germanici res Henrico VI imperante explicui. / Die 15 Disputatio inauguralis. / Die 16 Duplicem Philippi et Ottonis electionem et inter utrumque amulum bella recensui. / Diebus 19 et 20 Ob iter necessarium non legi. / Diebus 22 et 23 Ottonis IV. cum pontifice ob iura imperii contentiones, infaustum cum Gallis praelium et reliqua usque ad obitum eius persecutus fui. / Secutae sunt Feriae Natalitae / Hermannus Dietericus Meibomius |