| Text |
Lectiones publicae / MDCCI / Cunctatione typographi, seculum XVI. et XVVI. typis exscribentis, factum fuit, ut integro mense Iunio et prioribus hebdomadibus Augusti publicè legere non potuerim. Interea nihilominus duo conscripsi programmata, quorum alterum agit de doctorum primitivae ecclesiae vario docendi disputandique genere XXXVI disputationibus publicis praemissum, alterum de controversiarum numero minuendo diputationes XVIII. alias indicans. Successerunt dein nundinae Brunsvicenses quibus finitis. / Augusti / Die 29 ☾ Seculum XVI inchoavi et ecclesiae orientalis et occidentalis statum eiusdemque propagationem proposui. / Die 30 ♂ Doctrinae catholicae in hoc seculo indicavi fontes, summam, corruptionem et reformationis occasionem proximam, quam indulgentiae Tezelii suppeditarunt. / Septembris / Die 1 ♃ Ea absoluta recensui controversiam aliam de potestate Pontificis Romani et Lutheri colloquium cum Card. Caietano nec non disputationem eiusdem cum Eccio Lipsiae habitam. / Die 2 ♀ De actis Lutheri cum militizio, lovaniensibus allisque, nec non de libris hoc tempore ab eo editis egi. / Diebus 5 ☾ [et] 6 ♂ {} Erat mercatus oppidanus. / Die 8 ♃ De actis in comitiis Wormatiensibus, Lutheri discessu, latitatione in arce Warteburg et reditu Wittebergam disserui. / Die 9 ♀ De propagatione purioris doctrinae et obstaculis eidem factis permotus rusticorum et controversiam sacramentariam dixi. / Die 12 ☾ De duobus conventibus Spirensibus et in ultimo horum nato nomine protestantium, nec non exhibitione Augustanae Confessionis in comitiis Augustanis actum fuit. / Die 13 ♂ De foedere Smalcaldico, pace inter Caesareos et protestantes, reformatione in Anglia aliisque terris coepta, nec non concordia Wittebergensi, minime firma, disserui. / Die 15 ♃ Motus Anabaptistarum in Westphalia, concilium multoties à pontifice frustra expetitum, articulos Smalcaldicos, varios conventus et alia huc spectantia recensui. / [v] / Die 16 ♀ Egi de concilio prima vice tridenti indicto, nec non de morte Lutheri et de bello Caesarem inter et protestantes dicere coepi. / Die 19 ☾ Priori discursu absoluto vidimus Caesaris decreta, de translatione electoralis dignitatis in mauritium et de libro interim ab omnibus in imperio suscipiendo. / Die 20 ♂ De controversiis interimisticis, Mauritii expeditione contra Caesarem, liberatione Joannis Friderici et Landgravii, morte illius et Caroli V. dixi. / Die 22 ♃ De conventu Numburgensi, Crypto-Calvinistis et occasione conscribendae formulae concordiae actum fuit. / Die 23 ♀ Historiam formulae concordiae postquam recensui, coepi disserere de controversiis huius seculi et primo quidem de lite sacramentali. / Die 26 ☾ De controversiis cum Anabaptistis, Schwenckfeldio et Antinomis disserui. / Die 27 ♂ Adiapheristicas, Osiandri, Stancari, Maioris, Synergistarum et Flacianorum lites enarravi. / Die 29 ♃ Erat festum Michaelis. / Collegium disputatorium publicum coepi et septem iam vicibus huc usque disputavi. Praeterea etiam dissertatio de bibliothecis eremitarum veterum eruditorum disquisitioni fuit exposita. / Iohann Andreas Schmidt doctor |