| Text |
MDCCI / Post ferias Michaelitanas ad lectiones publicas fui regressus / Octobris / Die 13 ♃ Et inter seculi XVI scriptores primo recensui viros arte et marte claros, nec non historicos. / Die 14 ♀ De theologis Lutheranis disserere coepi. / Die 17 ☾ Eundem discursum continuavi. / Die 18 ♂ De doctoribus reformatis dixi. / Die 20 ♃ Pontificios scripturae interpretes et theologos Scholasticos recensui. / Die 21 ♀ Illis coniunxi concionatores et casuistas ac de Iulio Pflugio sigillatim egi. / Die 24 ☾ Pontifices, ordines et academias huius seculi retuli. / Die 25 ♂ De haeresibus et haereticis, praecipue antitrinitariis et Puccio actum fuit. / Die 27 ♃ Ceremonias et mores diversarum ecclesiarum nec non regimen consideravi. / Die 28 ♀ Priori discursu absoluto, Schismata inter graecos et latinos, nostros et pontificios, atque nostros et reformatos proposui. / Die 31 ☾ Recensitis conciliis provincialibus de Pisano et Lateranensi, nec non de colloquio Augustano inter Lutherum et Caietanum, egi. / Novembris / Die 1 ♂ Colloquia Lipsiacum, Tigurina, conventum Norimbergensem, Ratisbonensem et Italensem proposui. / Die 3 ♃ Badense, Homburgense, Nordense, Upsaliense, Berense, Flensburgense, Marpurgense enumeravi. / Die 4 ♀ In recensione conventuum perveni ad concilium tridentium. / Die 7 ☾ Concilii Tridentini historia recensita, continuavi, colloquiorum relatione usque ad Wormatiense. / Die 8 ♂ Eandem materiam alterius perduxi ad Franckenthalense. / Die 10 ♃ Erat oratio inauguralis domini professoris Wagneri. / Die 11 ♀ Perveni per plura alia ad Mompelgartense. / Diebus 14 ☾ 15 ♂ {} Mercatus oppidanus et auctio bibliothecae Calixtinae lectiones publicas impediebant. / Diebus 17 ♃ [et] 18 ♀ {} Et his diebus auctio continuata fuit. / Die 21 ☾ Colloquiis ad finem perductis de perfectionibus et martyribus dixi. / Die 22 ♂ Res aliorum extra ecclesiam et memorabilia quaedam consideravi atque simul seculo huic finem imposui. / Die 24 ♃ Seculum XVII exorsus, de statu ecclesiae orientalis et occidentalis disserui. / Die 25 ♀ De causis proximis belli tricennalis, turbata pace ecclesiastica neque restituta, discursum habui. / Die 28 ☾ De propagatione religionis Christianae in utraque India, nec non de doctrina huius seculi catholica dissertatio fuit instituta. / Die 29 ♂ De controversiis in ecclesia Romana egi, praecipue Molinistica et Ianseniana. / [v] / Decembris / Die 1 ♃ Erat electio novi Vice-Rectoris. / Die 2 ♀ Alias adduxi controversias pontificiorum, easque inter et illas à Molinosio Roma et Fenelonio in Galia excitatas. / Die 5 ☾ In reformatorum ecclesia excitatas controversias retuli. / Die 6 ♂ Consistorio privato interfui hac hora. / Die 8 ♃ Controversiis reformatorum ad finem perductis, eas recensere coepi, quae in nostra ecclesia fuerunt agitatae. / Die 9 ♀ Disputatio theologica praeside doctore Niemeiero hac hora habebatur. / Die 12 ☾ Erat in facultate nostra examen candidati theologiae domini professoris Ritmeieri. / Die 13 ♂ Ad consistorium publicum vocatus legere non potui. / Die 15 ♃ Habebatur me praeside disputatio inauguralis domini professoris Ritmeieri. / Die 16 ♀ Praside doctore Niermeiero disputatio publica hac hora habita. / Die 19 ☾ Absolvi controversiarum historiam et progressus fui ad scriptores hoc seculo illustres. / Disputationes publicas in theologiam positivam absolvi. / De cathechizatione quoque disputavi. / Johann Andreas Schmidt professor publicus |