| Text |
Anno MDCCI / Mense Octobri / Postquam me imposterum selectissima ex historia animalium publicè traditurum studiosis affixo programmate significassem, laborem hunc auspicatus sum. / Die 18 Quo et sequentibus 20 [et] 21 de historiae animalium praecipuis autoribus, et studii huius incrementis egi. / Diebus 24 [et] 25 Domo abfui. / Die 27 In genere de animalibus agere coepi. / Die 28 Animalia terrae et aquarum incolas ab his / [v] / sustentationem suam habere, et poëtarum fabulis potius quam physicis veritatibus esse accensenda quae de Salamandra et Chameteonte vulgo traduntur, evici. / Die 31 De zoophytis lectionem habui, et an media quaedam viventia inter plantas et animalia ponenda sint, consideratis variis naturalibus exemplis, indagavi. / Mensis Novembris / Die 4 Coepi de variis animalium distinctionibus agere et vulgatam illam qua eadem in exsanguia et sanguinem habentia dividuntur, examinavi. / Die 2 De recepta divisione animalium in terrestria, volatilia et natabilia egi et de amphibiis quaedam subiunxi. / [79r] / Die 8 Ab aegro impeditus non docui. / Diebus 10, 11 [et] 12 Consideravi alias animalium divisiones voluti in vivipara, ovipara et vernipara, in circula et fera, in gregaria et solitaria, in utilia et noxia, in muta et vocalia, perfecta et imperfecta. / Die 18 An sicuti in quibusdam animalibus pauciores sensuum potentiae se exserunt, in aliis plures quam in homine reperiantur, et an hic à quibusdam bestiis sensuum vigore [?] vincatur, inquisivi. / Sequebatur publica pharmacopolii academici visitatio. Reliqua vero impedimenta in catalogo medicarum praelectionum recensui. / Friedrich Schrader |