| Text |
Anno MDCCII / Mensibus April Maio Iunio Iulio Augusto Septembri / Feriae paschales et publica librorum quorundam auctio mense Aprili lectiones meas interceperunt. / Mense Maio / Die 5 Ad publicas in Panegyricum Plinii lectiones reversus de comitate Caesaris Traiani in obvios, de congiario in populum collato. / Die 8 De liberalitate Traiani. / Die 9 De fertilitate Ægypti, de annona à Traiano procurata, de spectaculis gladiatorum disserui. / Die 11 De suppliciis delatorum, de orario et fisco cohibito, de vectigali vigesimae respectu parentum et liberorum, nec non agnatorum et totius haereditatis temperato actum fuit. / Die 12 De onere vigesimae à divitibus tantum subeundae, de frugalitate Traiani, de maiestatis accusatione sublata sum locutus. / Die 15 De testamentorum securitate, de Traiani favore in viros bonos, de amicorum principis delectu. / Die 16 De vi exempli principalis, de honore viris doctis habita. / Die 18 De humanitate, communitate, facilitate, abstinentia Traiani et iustitia sermonem habui. / Die 19 De parsimonia eius in privatis et magnificentia in publicis aedificiis, de praemiis et honoribus Traiano decretis. / Diebus 22 [et] 23 } De secundo Traiani consulatu, de tertio consulatu recusato egi. / Die 25 Celebrabatur festum Ascensionis domini. / Die 26 De collegis à Traiano ascitis, disserui. / Die 29 Qualem se praestiterit Traianus in consulatu, quam habuerit orationem, cum magistratum iniret, quo plausu oratio haec excepta fuerit, explicui. / Die 30 Qui fuerint candidati à Traiano designati, quae vota et acclamationes populi, quae sententia senatorum in aes incisae docui. / [v] / Mense Iunio / Diebus 1 [et] 2 Qualem se porro in gerendo consulatu praestiterit, cur suscipere debuerit Traianus quartum consulatum, quae fuerint virtutes eius, cum principis tum consulis, monstravi. Sequebantur feriae pentecostales. / Die 13 Remissiones Traiani, venationem, navigationem consideravi. / Diebus 15, 16, 19 [et] 20 } Quae fuerit privata Traiani vita, et qualem habuerit uxorem, sororem, amicos, libertos explicui. / Diebus 21 [et] 22 Epilogum laudatricis huius orationis, et Plinii gratiarum actionem ad Traianum pro se et collegis. / Die 26 Vota Plinii pro salute Principis et gratiarum actionem ad senatum consideravi hicque his lectionibus suscepto, redur [?]. / Mense Septembris / Die 1 Novas in eloquentiae professione lectiones publicas de epistolarum, qua latine, qua Germanicè conscribendarum rationa auspicaturus, illis prolusi more meo publicâ oratione habita de iis, quae oratorem praecipue commendant. / Diebus 12, 14 [et] 15 De distinctione epistolarum in officiosas et negotiales sive practicas, nec non de praecipuis epistolarum scriptoribus, Graecis, Latinis tam veteribus quam recentionibus, de epistolis philosophicis, medicis, iuridicis, ecclesiasticis. Inopinata quaedam negotia, feriaeque Michaëlitanae fecerunt, quo minus caeteris huius mensis diebus pergere potuerim. Exercitia oratoria publica duo instituta hoc semestri et à duobus civibus studiosis habita sunt orationes de bono principe ad panegyricum Plinii caput 1 numerum 3 et de pruritu innovandi. / [13r] / Anno MDCCII / Mensibus Aprilis Maio Iunio Iulio Augusto Septembri / Mense Aprili / Die 3 In explicatione libelli Pufendorfiani de officio civis, caput secundum de officiis coniugalibus interpretatus sum. / Die 4 Doctrinam hanc absolvi. Secutae sunt feriae Paschales et publica bibliothecae eiusdem auctio. / Die 28 De officiis parentum et liberorum actum fuit. / Mense Maio / Die 1 De officiis dominorum et servorum. / Die 2 De causa impulsiva constituenda civitatis. / Die 4 De interna civitatum structura. / Die 5 De partibus summi imperii. / Die 8 De formis rerumpublicarum disserui. / Die 9 De affectionibus civilis imperii. / Die 11 De modis acquirendi imperium, in primis Monarchicum. / Diebus 12 [et] 15 } De officio summorum imperantium sermonem habui. / Die 16 Ob consistorium publicum non docui. / Diebus 18, 19 [et] 22 } De legibus civilibus in specie de iure vita ac necis sermocinatus sum. / Die 23 Caput decimum quartum de existimatione explicui. / Die 25 Erat festum Ascensionis domini. / Die 26 De potestate summi imperii in bona civium. / Die 29 De iure belli ac pacis sum locutus. / Die 30 Erat consistorium publicum. / Mense Iunio / Die 1 Ob consistorium publicum pergere haud potui. / [13v] / Sequebantur feriae pentecostales. / Dies 12 Consistorio publico interfui. / Diebus 13 [et] 15 Doctrinam de belli ac pacis iure ad finem perduxi. / Die 16 De foederibus tam aequalibus quam inaequalibus, realibus et personalibus etc. / Die 19 De officiis civium generalibus et specialibus egi et lectionibus his imposui finem. / Mensem Iulium et Augusti mensis maximam partem itineri Pyrmontano insumsi, petitâ prius et impetratâ à magnificentissimo directorio abeundi licentia. Sub finem / Mensis Augusti redux factus. / Die eius 31 Novas in politices professione de notitia S. R. imperii pralectiones auspicatus publicam illis praemissi orationem de votis mortalium / Diebus 4 [et] 5 Erat mercatus oppidanus. / Diebus 8 [et] 11 Studium notitiae imperii et iucundum et utile esse ostendi, simulque praecipuos eius auctores enarravi. / Diebus 12, 14 [et] 15 De nomine, ortu et finibus Germanici Imperii agebatur. / Occupationibus necessariis impeditus reliquis huius mensis diebus non docui, incidebant quoque feriae Micaëlitanae. / J. C. Böhmer |