| Text |
Anno 1702 / Mense Octobri / Novas lectiones Rabbinicas pro studiosis Philologiae orsurus, cum frustra aliunde absque magnis sumptibus libelli expectarentur Rabbinici, in nostra typographia Academica commentarios celebrium Rabbionorum, Rahhi, Aben Esrae, Kimchii in Hoseam, ipse hic edere institui. In quem difficiliorem typographiae apparatum primi mensis dies insumpti. Quos tamen dies, libro Rabbinico typis iam imprimi coepto, more compensavi, binas singulis diebus horas lectionibus impendendo. / Die 16 Generatim de Fontium Hebraicorum studio, eius in omni Theologia necessitate, sed et necessariis praesidiis disserui. / Die 17 De studio Rabbinico dixi, de Rabbinorum scriptis, veteribus ac recentioribus, de illorum in Exegesi usu / [v] / Diebus 19 [et] 20 } Styli Rabbinici indolen exposui. / Diebus 23 [et] 24 } R. Salmonis ben Malech iudicia de kimchii ex Abethsrae commentariis illustravi. / Diebus 26 [et] 27 } Praefactionem Kimchii in Prophetas, recensere coepi, veterum iudicorum sententiam de ordine librorum scripturae et Prophetarum explicando. / Diebus 30 [et] 31 } In Kimchiana praefatione explicanda perrexi. / Mense Novembri / Diebus 2 [et] 3 } Kimchianam praefationem pertexui. / Die 6 Capitis primi Hoseae versum primum, senlibri [?] titulum, philologice recensui, statum temporis sub Hosea in sacris et civilibus in regno Israëlis delineando. / Die 7 Ionatharis versionem Chaldaicam adieci, de Chaldaicis scripturae versionibus curatius disserens. / [49r] / Die 9 Kimchii commentationem in libri frontem explicui. Primum libellum aut Epigramma Hoseanum in infelix matrimonium suum, vers 2. cum versione chaldaica evolvi. / Diebus 13 [et] 14 } Nundinae oppidanae aliis Iudaeis locum dederunt. / Die 16 Kimchii notas Rabbinicas in primum hoseae libellum enodavi. / Die 17 Secundum Hoseae libellum aut Epigramma in filium natu primum, vers 3, 4, 5 recensui: Additâ versione Chaldaica. / Diebus 20, 21, 23 [et] 24 } Kimchium in secundum Hoseae libellum declaravi. / Die 27 Tertium Hoseae libellum in filiam secundo genitam, vers 6, 7 cum versione chaldaica explicavi. / Diebus 28, 30 [et] 1 } Kimchii annotationes Rabbinicas illustravi. / Mense Decembris / [49v] / Die 4 Quartum Hoseae libellum aut epigramma in filium tertiogenitum, vers 8, 9 cum versione Chaldaica explicavi / Diebus 5, 6 [et] 8 } Kimchianam commentationem recensui. / Diebus 11 [et] 12 } Alterum libelli illius Hoseani partem vers 10, 11 una cum versione chaldaica, recensendo absolvi. / Diebus 14, 15, 18, 19, 21 [et] 22 } Prolixiorem Kimchii commentarium rabbinicum in hanc hoseani libelli partem illustravi. / Festum Nativitatis Christi ad alia nos tantisper vocavit. Orationem Festo Academiae Natali in novam Academiae Bibliothecam Rudolpheam habui, typisque muniri [?] curavi. / Herman von der Hardt. |