| Text |
Mense Ianuario / Diebus 13 et 16 Friderici II. perpetuas cum Pontifice contentiones, eidem hinc suscitatos aemulos, atque ducatus Brunsvico-Luneburgensis erectionem exposui. / Die 17 Quomodo post eiusdem fata, nullo certo rectore, distracta inter civiles motus Germanici Imperii Republica eiusque compages tantum non dissoluta fuerit. / Diebus 19 et 20 Illustrium familiarum Sveviae et Austriae ducum itemque Landgrafiorum Thuringiae interitus, quomodoque hac et paulo superiori tempestate ad officiales Septem viros electionis iura sensim pervenerint, explicui. / Diebus 23 et 24 Quemadmodum sub Rudolpho I. tranquilliorem statum Germania recerperit, quaeque is domui suae auctoritatis et potentiae subsidia comparaverit, ac de non alienatis ab eodem Imperio per Italiam iuribus disserui. / Die 26 De Adolpho Hasovio egi. / Die 27 Alberti Austriaci regimen et Helvetici foederis initia exposui. / Diebus 30 et 31 De rebus ab Henrico VII per Germaniam / [v] /et Italiam fortiter gestis, de vero eiusdem mortis genere, deque Templariorum ordinis excidio egi. / Mense Februario / Die 2 Festum annunciationis Mariae. / Diebus 3, 6, et 7 Ludovici Bavari et Friderici Austriaci mutuas amulationes, et illius, aemulo devicto, acerrimas ob iura Imperii cum pontifice armis scriptisque agitatas contentiones exposui. / Die 9 De Günthero Schvartzburgico egi. / Diebus 10 et 13 Quemadmodum Carolus IV. iura et patrimonium Imperii dissipaverit, quomodoque is magno tranquillitatis Germaniae bono, certam eligendi rationem publica lege stabiliverit. / Die 14 A Wenceslav acta eiusque depositionem exposui. / Diebus 16 et 17 De Friderici Brunsvicensis electione, Ruperto Palatino et Iodoco disserui. / Diebus 20 et 21 Turbatum sub Sigismundo Ecclesiae et republicae statum, cum Pontificibus contentiones, inque conciliis Constantiensie et Basileensi acta explicui. / Diebus 23 et 24 Hussiticum bellum, aliaque per im / [55r] / perium ab ipso acta recensui. / Diebus 27 et 28 Ob iter necessarium non legi. / Mense Martio / Die 2 Alberto Austriaco egi. / Diebus 3 et 6 Friderici III. regimen variis turbis distractum, bellum Burgundicum, amplissimamque hereditatem Austriacae domui per matrimonium Mariae exsecutus fui. / Die 7 De Orientalis Imperii Graecorum eversione disserui. / Diebus 9 et 10 Germaniae statum sub Maximiliano I. bonis legibus et institutis compositum, variaque eiusdem bella recensui. / Diebus 13 et 14 Caroli V. electionem, bellaque cum Gallo et per Africam gesta exposui. / Die 16 De bello Smalcaldico, hincque secuta Pace Passaviensi egi. / Diebus 17 et 20 De variis sub Carolo per Imperium obortis turbis, seditione rusticorum et Anabaptisticis tumultibus, deque Prussiae status mutatione egi. / [55v] / Diebus 21 et 23 Historiam Reformationis Ecclesiae per Germaniam exposui. / Die 24 De postremis Caroli eiusque abdicatione egi. / Die 27 Placidum et tranquillum sub Ferdinando I. imperii statum exposui. / Die 28 Moderatum Maximilian II. regimen et Gothani belli, concitore Grumbachio, eventum explicui. / Die 30 Sub Rudolpho II. acta, enataque inter ordines dissidentia et dissensionum semina, que funesto bello Germanico protesterunt [?], recensui. / Die 31 Causam Iuliacensem et exorta liga et Unionis in Imperio nomina exposui. / Hermannus Dietercus Meibomius. |