| Text |
Mense Aprili / Diebus 3 et 4 Nundinae oppidanae. / Diebus 6 et 7 Initia belli tricennalis et motuum Bohemicorum Matthia imperante explicui secutae sunt feriae passionis Dominicae A Paschales. / Die 27 Lectiones iterum auspicatus ad res Germaniae, Ferdinando II summae rerum admoto, explicandas accessi. / Die 28 Susceptum a Friderico Palatino in Bohemos imperium, cladem eiusdem et res Austriacorum restitutas exposui. / Mense Maio / Diebus 1 et 2 Quae post Unionem, quae vocabatur, dissolutam pro Friderici causa a Mansfeldio, Durlacensi A Christiano Brunsvicensi varia fortuna fuere gesta, tradidi. / Diebus 4 et 5 Quemadmorum Caesar, cui artes aeque / [v] / ac arma succedebant, severioribus consiliis victoriae suae fructum corrumpere coeperit, deque translata in Bavarum septemvirali dignitate legi. / Diebus 8 et 9 Qua ratione in Saxonia inferiore bellum pertractum, deque foedere Lauenburgico, ac quomodo post Christiani IV. Dan R. cladem tota fere inferior Germania Caesaris armis infesta et maris Balthici imperium frenando Septentrioni Austriaci affectarint, exposui. / Die 11 De Edicto Ecclesiastico a Caesare proposito, ac Lipsiensi foedere disserui. / Diebus 12 et 15 De Gustavi Adolffi in Germanium adventu et causis expeditionis ab ipso divulgatis egi. / Diebus 16 et 18 Quomodo is exigua manu immensos Austriacae potentiae progressus steterit, fortunam Protestantium collapsam erexerit, et maiorem Germaniae partem intra paucos menses victoriis emensus fuerit. / [57r] / Die 19 Qui post Gustavi Adolffi mortem animorum [?] per Europam mostus fuerint, deque foedere Heilbrunnensi egi. / Diebus 22 et 23 Norlingensem cladem, hincque colla bascentes [?] Suevorum res, sed foedere Gallico iterum firmatus, et pacem Pragensem exposui. / Die 25 Festum Ascensionis. / Die 26 Ferdinandi III. auspicia, quaeque ulterior fuerit partium fortuna recensui. / Diebus 29 et 30 Longam illam et difficilem pacis tractationem, quaeque per eandem definita, breviter persecutus fui. / Mense Iunio / Die 1 De comitiis Ratisbonensibus egi. / Die 2 Obitum Ferdinandi III. quodque eundem excepit exigui temporis interregnum, ac controversiam circa Vicariatum exposui. / [57v] / Secutae sunt Feriae Pentecostales. His finitis programma proposui, et / Die 27 Novas lectiones auspicatus de Generali Rerum publicarum Europae notitia disserui. / Diebus 28 et 29 De Regnis Anglicani origine et antiquiori Historia paucis agere incepi. / Hermannus Dietricus Meibomius. |