| Text |
Mense Iulio / Diebus 3 et 4 De Saxonum in Angliam expeditione et constitutis ibidem regnis disserui. / Postea ad acidulas Pyrmontanas profectus per reliquum huius mensis non legi. / Mense Augusto / Die 4 Lectiones iterum auspicatus, quomodo Angliae regnum per Wilhelmum cogn. conquestorem pactis et victoriae iure in Normannicam familiam illatum, et ab eo hodierni imperii origo repetenda sit, exposui. / Diebus 7 et 8 De amplissimis in Gallia per reges ex Andegav. familia Angliae coniunctis provinciis, et cruentis inter utramque gentem perplura secula bellis diserui. / Diebus 10 et 11 Famosa illa inter duas regias familias dissidia, utrique parti tandem exitiosa, persecutus fui. / Die 14 et sequentes Nundinae Brunsvicenses. / [v] / Die 24 Ad lectiones reversus, tranquillatam Henrici VIII. auspiciis et sapientissimis legibus ordinatam rempublicam exposui. / Die 25 Quomodo sub Henrico VIII. potentia regni aucta, et pontificum auctoritate convulsa Regia area [?] sacra vindicata potestas fuerit. / Die 28 De statu regni, Eduardo VI. imperante, egi. / Die 29 Festum Sanctissimum Johannis Babtistae. / Die 31 Quae Mariae Reginae acciderunt, exposui. / Mense Septembri / Die 1 Quomodo sub Elisabethae regimine ultima religionis negotio manus imposita, regnum commerciis et maritima potentia effloruerit, et foris validius redditum, aliaque persecutus fui. / Diebus 4 et 5 Nundinae oppidanae. / Die 7 De auctis Jacob VI. Rex per Scotiae accessione Angliae viribus, coniuratione pulveraria, et auctoritate regis nimio pacis studio foris imminuta disserui. / [59r] / Diebus 8 et 11 Civilis inter Regem Carolum I. et Parlamentum belli causas et tristem eventum explicui. / Die 12 Quae hinc insecuta fuerit status mutatio, et per Cromvellum gesta exposui. / Die 14 De Caroli II. restitutione, bellis cum Batavis, aliisque sub eo actis egi. / Die 15 Breve Jacob II. Regimen, et rebus turbatis est regno discessum, quaeque hinc insecuta explicui. / Die 18 Desditionibus [?] Imperio Britannico subiectis egi. / Die 19 De coeli soliique natura, genio populi, virtutibus et vitiis. / Die 21 De forma Reipublicae Parlamenti iuribus ac reservatis [?] et praerogativis regum. / Die 22 De statu religionis et Rei literariae. / Die 25 De potentia et viribus Regni, ac reditibus imperantium. / Die 26 De foederibus, amicitiis et inimitiis cum aliis rebus publicis / [59v] / Die 28 De praetensionibus et controversiis illustribus ac praecedentia regum. Secutae suat feriae Michaëlitanae. / Hermannus Dietericus Meibomius. |