| Text |
ANNO MDCCII / Mense Ianuario / In generali medendi methodo tradenda progressus sum et feriis elapsis. / Diebus 12 [et] 13 Quomodo ut felix sanatio sequatur, non medicum tantum officio suo fungi oporteat, sed quomodo et patiens et adstantes ac aegro ministrantes se gerere debeant, ostendi. / Die 16 An aegrum salutis causa decipere liceat, consideravi. / Die 17 De quibus opportunum sit ut medicus cum aegrotante loquatur, exposui. / Diebus 19 [et] 29 Quaenam praenosse debeat medicus, ut recte omnia circa aegrotantem possit inquirere, explicui. / Die 23 An aptior sit medicus ad investigandum morbum / [v] / et curandum, si iam ante notitia ipsi cum aegro intercessit inquisivi. / Die 24 Et sequentibus itinera ad aegros instituta me impediverunt. / Die 30 Summa capita in primo medici ad aegrum accessa observanda ab Hippocrate praescripta interpretari coepi. / Die 31 Quomodo causae morbi principum et procatarticae in hanc vel illam partem primam operationem investigare debeat medicus, ostendi. / Mense Februarii / Die 2 Erat festus dies succedentibus mox Nundinis Brunsvicensibus et avocantibus me postea aegrotorum curis hoc mense publice docere non potui. / [75r] / Mense Marti / Diebus 2 [et] 3 An sublatis causis symptomata semper desinant et an non curatio saepe imprimis symptomata urgentia et mala per consensum nata respicere debeat, expendi, quasque utilitates id afferat, tradidi. / Diebus 6 [et] 7 Iter ad aegros intervenit. / Die 9 Quid agere oporteat medicum, si morbus se nondum satis explicuerit, vel qualis sit futurus in primo ingressu ipsi innotescat, docui. / Die 10 Quaenam infantum curam suscepturi animo observare debeant, monui. / Die 13 An et quae tempora morborum distinguere autem excercitaturus debeat, exemplis practicis declaravi. / [75v] / Die 14 De victu aegrotantium lectionem habui. / Diebus 16 [et] 17 An eo semper, quo vergunt, ex Hippocratico praecepto, utrum [?] per plures simul evacuationum vias ducendi sint humores, explicui. / Die 20 et sequentes Cure vernali impendi. / Schrader doctor |