| Text |
Lectiones Publicae / ANNO 1702 / Ianuaris / Die 9 ☽ Recensui in secundum [?] XVII historiae eclesiasticae scriptores Lutheranos Reformatos et Pontificios. / Die 10 ♂ Theologos Lutheranos recensere coepi. / Die 12 ♃ Hac hora absolvi recensionem. / Die 13 ♀ Erat Consistorium publicum. / Die 16 ☽ Propter Consistorium publicum hac hora legere non potui. / Die 17 ♂ Theologos Reformatos et Pontificios produxi in scenam. / Die 18 ♀ Publice disputavi in theologiam polemicam prima vice. / Die 19 ♃ De foeminis eruditis, congregationibus, academiis, et societatibus literariis egi. / Die 20 ♀ Disserui de Antitrinitariis et Anabatistis / Diebus 23 ♃, 24 ♂, 25 ♃ [et] 27 ♀ } Lectiones horum dierum Guelpherbytanum iter impedivit. / Die 28 ♃ Disputatio II in theologiam Polemicam fuit habita. / Die 30 ☽ Postquam de Quackeris fuit actum de ceremoniis et ritibus dicere coepi. / Die 31 ♂ Priori discursu absoluto, de regimine ecclesiae Romanae discursum institui. / Februarii / Die 2 ♃ Erat festum Purificationis Mariae. / Die 3 ♀ De regimine ecclesiarum protestantium egi. / Finitis Nundinis Brunsvicensibus ad lectiones redii. / Die 16 ♃ De Schismate egi inter ecclesiam graecam et latinam, nec non de altero, quod est inter ecclesiam Romanam et nostram. / Die 17 ♀ Postquam de Schismate nos inter et Reformatos, nec non inter hos et Ariminianos actum fuit, historiam colloquii Ratisbonensis aggressus fui. / Die 20 ☽ Schoch Wiesense Walbacense cum synodis ultraiectinae et Vapicensi proposui. / Die 21 ♂ De Durlacensi Hemelschenburgensi, Neoburgensi, et Pragensi dixi. / Die 23 ♃ Synodum Charentoniensem et Alencomiensem cum colloquio Thoruniensi recensui. / Die 27 ☽ Post Rheinfeldense et Cassellanum colloquia, de Synodis graecorum disserui. / Die 28 ♂ Egi de perfectionibus, rebus aliorum extra ecclesiam et memorabilibus huius seculi, atque simul lectionibus publicis imposui finem. / Martio Dein me praeparavi ad lectiones de quadragesima ecclesiae latinae recentioris. / Die 20 ☽ Easdem inchoavi et officia sacra in die cinerum primo loco proposui. / [v] / Die 21 ♂ Illis absolutis feriae V, VI et sabbati officia consideravi. / Die 23 ♃ Adduxi rationes ecclesiae latinae, cur quatuor dies praemittantur quadragesime, simul etiam egi de stationibus quadragesimalibus. / Die 24 ♀ Sacra recensui dominica I in quadragesimalibus et feriae II. III. IV (quae est una quatuor temporum) V et VI. / Die 27 ☽ De sabbato quatuortemporum et dominica II vacante et quinque sequentibus feriis actum fuit. / Die 28 ♂ Egide sabbato, dominica III et feria II dein vocatus in consistorium lectionem differre coactus fui. / Die 30 ♃ Adduxi sacra feriae III, IV, V, VI sabbati, dominicae IV et feria II, III, IV. / Die 31 ♀ Publicam disputationem non habui de Adamo Halberstadiensi. / April / Die 3 ☽ [et] Die 4 ♂ } Erat mercatus oppidanus. / Die 6 ♃ Hac hora disputatio theologica habebatur praeside doctore Nimeiero. / Die 7 ♀ Eadem hora recitata fuit oratio de bono principe. / Die 10 ☽ Publice disputavi de Absalonis monumento. / Die 11 ♂ Ferias V et VI cum sabbato proposui et praeter dominicam de passione ferias sex adduxi. / Sequebantur feriae paschales. / Jo. Andr. Schmidt professor ordinis sui senior. |