| Text |
ANNO MDCCII / Mensis Iulii / Die 3 Alas avium consideravi et de plumis corpus tegentibus dixi. / Diebus 4 [et] 6 De volatione avium egi et quae Borellus de motu animalium de illo proponit examinavi. / Die 7 Differentiam avium inter granivoras et carnivoras explicui. / Diebus 10 [et] 11 Erant nundinae oppidanae. / Diebus 13 [et] 14 Ob iter non docui. / Diebus 17 [et] 18 De mira quarundam avium pulchritudine et de avibus fictitiis et fabulosis lectionem habui. / Die 20 Erat mutatio Vice Rectoratus. / Reliquis huius mensis diebus ad aegros evocatus docere non potui. / Mensis Augusti / Die 1 Aves reliquis animalibus vocaliores esse et quaedam hyeme latere dixi. / Die 3 Amicorum praesentia lectionem impedivit. / Die 4 Iter ad aegrum horis pomeridianis intervenit. / Die 7 Nullas aves pedibus carere evinci, et quae de manucodiata vulgo traduntur, reieci. / Die 8 Ægra me accedens lectionem impedivit. / [v] / Die 10 Piscium historiam exorsus sum et de convenientia, quam in multis cum volantibus animalibus habent egi. / Die 11 Generationem piscium descripsi. / Sequebantur Nundinae Brunsvicenses. / Die 25 De divisione piscium in cetaceos et branchiales et horum in marinos, fluviatiles et lacustres lectionen habui. / Diebus 28 [et] 29 Piscium organa descripsi et de natatu piscium locutus sum. / Die 31 De piscium respiratione et auditu egi. / Mensis Septembris / Diebus 1 [et] 4 Singularia nonnulla de piscium victu, vita, moribus subiunxi. / Die 14 Ad serpentum historiam accessi. / Diebus 21 [et] 22 De discrimine serpentum et num alati quoque serpentes dentur, ubi et quales indagavi. / Diebus 25 [et] 26 Generationem serpentum plenius descripsi. / Mensis Octobris / Diebus 2 [et] 3 De veneno serpentum et morsu viperae lectionem habui. / Die 9 Quae de basiliscis circumferuntur, examinavi. / Diebus 10, 12 [et] 13 Singularia de serpentibus et draconibus subiunxi. / Diebus 16 [et] 17 Domo abfui. / [r] / Die 19 Insectorum historiam auspicatus sum. / Die 20 Differentias insectorum explicui. / Die 23 De subtilissimis insectorum operibus egi. / Die 24 Apes descripsi et de mellificio [?] illorum aculeis et puncturis dixi. / Diebus 26 [et] 27 De alis pedibus et reptatu insectorum egi. / Diebus 30 [et] 31 Generationem insectorum et metamorphoses plenius explicui. / Mensis Novembris / Diebus 2 [et] 3 De aquaticis insectis quae pedes ad natandum aque ad gradiendum habent, specialia locutus sum. / Diebus 16 [et] 17 Singularia, quaedam et curiosa de insectis addidi et praelectionibus his de Animalibus finem imposui. / Mense Decembri / Effecerunt itinera ad aegros, ut ante ferias, novas praelectiones ordiri non potuerim. / Impedimenta quae praeterea intervenerunt in lectionum medicarum catalogo recensui. / Fridericus Schrader |